"Мудофаа ва ташқи сиёсат учун жавоб берадиган сиёсатчиларнинг дунёдаги энг йирик учрашуви глобал инқирозларга жавоб излашга бағишланади. Бир нарса аниқ: АҚШ ва Европа ўз устунлигини йўқотди", - деб ёзади немис нашри Handelsblatt. Мюнхен шаҳридан жумадан якшанбагача бўлиб ўтган хавфсизлик бўйича Конференция Ғарбнинг ночорлиги аломатларидан холи бўлмайди, деб ёзади журналист Доната Ридел.

XX-XXI асрлар бўсағасидаги Ислом дунёси фақат ушбу дин тарқалган ҳудуд  мамлакатларининг ҳамжамияти бўлиб қолмай, балки экстерриториал, ғайримиллий ижтимоий-маданий ва диний-сиёсий воқелик сифатида майдонга чиқди. У сайёрамизда тобора қулоч ёзаётган ва ўз илмий-техник хусусиятини ижтимоий-сиёсий томонга ўзгартириб бораётган глобаллашув жараёнлари марказига айланди.