Туркия ҳуқуқни муҳофаза қилиш органлари Истанбул ва мамлакатнинг бошқа ҳудудларида кенг кўламли операция бошлади. Истанбул шаҳар мэри, мухолифатдаги кемалистик Республика халқ партиясининг (РХП) етакчиларидан бири бўлган Акром Имомўғлини ҳибсга олиш учун ордер берилди.
Туркия ҳуқуқни муҳофаза қилиш органлари Истанбул ва мамлакатнинг бошқа ҳудудларида кенг кўламли операция бошлади. Истанбул шаҳар мэри, мухолифатдаги кемалистик Республика халқ партиясининг (РХП) етакчиларидан бири бўлган Акром Имомўғлини ҳибсга олиш учун ордер берилди.
Аввалроқ, Истанбул университети бош прокуратура сўрови асосида Имомўғлининг дипломини бекор қилди. Мэр дастлаб Шимолий Кипрдаги олийгоҳда таҳсил олган, кейин у ердан Истанбулга ўтган, бироқ ўша пайтда ушбу ўқув муассасаси расман тан олинмаган эди. У ҳужжатларни сохталаштириш ва фирибгарликда айбланмоқда.
Имомўғли 2027 йилда ўтказилиши мумкин бўлган муддатидан олдинги президентлик сайловларида Эрдўғаннинг асосий рақиби ҳисобланади. Туркияда давлат раҳбари лавозимига фақат олий маълумотга эга номзодлар даъвогарлик қила олади.
Кейинчалик Истанбул мэри Акром Имомўғли ҳибсга олинди ва судга олиб келинди. У коррупция ва терроризмни қўллаб-қувватлашда (курд коммунистик РПК ҳаракати билан боғлиқ) айбланмоқда.
Умуман, Истанбул мэри Акром Имомўғли жамоасидаги 100 дан ортиқ шахсни ҳибсга олиш учун ордер берилган, уларнинг айримлари аллақачон ҳибсга олинган.
Аёнки, мухолифатни нейтраллаштиришга бундай ёндашув, шунингдек, ҳаракатлар кўлами ва қўйилган айбловларнинг оғирлиги, ҳукуматнинг далиллар базаси мавжудлигини кўрсатмоқда. Бундан ташқари, мухолифат жиддий бир режа тайёрлаётган бўлиши мумкин (Туркия давлат тўнтаришлари бўйича бой тарихга эга мамлакат ҳисобланади).
Эрдўған аввал ҳам Имомўғлини қамоққа олишга уринишга ҳаракат қилган, ўша пайтда у оқланган, аммо айбловлар анча енгил эди (фақат давлат хизматчиларини ҳақорат қилиш бўйича).
Ҳозирги айбловларнинг адолатли ёки адолатсизлигидан қатъи назар, бир йил олдин Имомўғлининг ҳибсга олиниши АҚШ ва Европа Иттифоқи томонидан Туркияга нисбатан кескин танқидларга сабаб бўлар эди. Балки, маълум бир санкциялар ҳам жорий қилинган бўлар эди.
Бироқ замон ўзгарди, шунингдек, 2024 йил декабридан сўнг Туркиянинг халқаро таъсири ҳам кучайди. АҚШ ва Европа Иттифоқи ҳатто бу ойда Сурияда Асад тарафдорлари бўлган алавийларнинг қўзғолонини шафқатсиз бостиргани учун ҳатто Туркияни эмас, унинг протежеси бўлган Сурияни ҳам танқид қилмади. АҚШ сукут сақлади, Европа Иттифоқи эса Сурияни қўллаб-қувватлади. (чунки АҚШ ва Ғарб очиқчасига Исроил жиноятларини қўўлаб-қуваватлаши уларнинг тилларини қисқа қилиб қўйди)
Ҳозирда ҳам Ғарб томонидан Туркияга нисбатан жиддий таҳдидлар ёки ҳатто Имомўғлини қўллаб-қувватлаш сўзлари эшитилмаяпти.
Бунга сабаблар:
1. Туркиянинг сиёсий вазни ошган.
2. Европа ва АҚШ ҳозирги ҳолатда Эрдўғанга босим ўтказиб, уни қарши томонга буришни истамайди. Улар ўзаро совуқ уруш олиб боришмоқда ва бу пайтда Эрдўғанни иттифоқчи сифатида сақлаб қолиш улар учун муҳим.
Бундан ташқари, Европа учун Эрдўған анча зарур, айниқса, Украина хавфсизлиги бўйича келажакдаги кафолатлар масаласида ва Туркиянинг Украинага қўшин киритишга тайёрлигини билдирган ҳолатида.
3. Имомўғли кемалистик РХПнинг вакили бўлиб, у сиёсий спектрнинг чап қанотига мансубдир. Ҳозирда чапчилар (АҚШ демократлари, Германия социал-демократлари ва ҳ.к.) дунё бўйлаб қийин аҳволга тушиб қолган, кўплаб мамлакатларда "ўнг қанот реванши" содир бўлмоқда. Шунинг учун аксарият ҳукуматлар эҳтимол Эрдўғаннинг ҳаракатларига тушуниш билан муносабатда бўлади.
Абу Муслим тайёрлади
