Конституциявий ислоҳот лойиҳасини маромига етказиш устида иш олиб бораётган Қирғизистон конституциявий конференсияси рус тилининг расмий мақомини олиб ташлашга чақирди. Йиғин аъзоси Садирдин Торалиев ўз ташаббусини қирғиз ёшлари орасида миллий тилни асраб-авайлаш ва оммалаштириш борасида ғамхўрлик билан изоҳлади.

Теҳрон яқинида қилинган ҳужум оқибатида «Эрон бомбасининг отаси» Муҳсин Фахризода ўлдирилди. Эрон қотилларни ўз қилмишидан пушаймон бўлишга мажбур қилишини ваъда қилди. Қотиллик учун жавобгарликни ҳали ҳеч ким ўз зиммасига олгани йўқ, лекин Эрон ОАВ Нетаняхунинг Фахризодага аввалги қизиқишларини эслатиб ўтди, деб ёзади The Times of Israel.

Ҳижобдаги супермодел Ҳалима Аден шов-шувли баёнот берди - мусулмон аёл ўзининг моделлик карераси диний қадриятларига таҳдид сола бошлагани туфайли халқаро подиумларни тарк этишга қарор қилди. Ҳижобда жамоатчиликка маълум бўлган биринчи моделлардан бирига айланган Аден, машҳур брендларнинг шоуларида, жумладан, Кане Уэст кийим-кечак линиясида ҳижобда катнашган. Сўнгги кунларда Ҳалима ўз ҳиссиётлари билан ўртоқлашган бир неча постларини чоп этди.

Даниялик вазир имомларни «аёлларнинг никоҳдан олдин жинсий алоқа қилиш ҳуқуқи»ни қўллаб-қувватлашга чақириб, мусулмонлар жамоатини ғазаблантирди. Ташқи ишлар ва интеграция вазири Маттиас Тесфайе мусулмонлар етакчилари билан учрашув сўнг, уларга тўғридан-тўғри савол берди - улар мусулмон аёлларнинг тўйдан олдин жинсий муносабатларга эгалик ҳуқуқи ҳақида баланд овозда ва аниқ қилиб жамоат олдида баёнот бера оладими, деб хабар қилади Al Jazeera.

Ҳиндистоннинг ҳукмрон миллатчи партияси мамлакатнинг аҳоли энг зич жойлашган штатида «никоҳ орқали динга ўтказиш» жиноят, деб қабул қилинадиган қонунни маъқуллашга эришди. Уттар-Прадешнинг янги қонунига кўра, турли динларга мансуб келин ва куёв никоҳдан ўтиш нияти ҳақида туман судига 2 ой олдин хабар бериши керак ва фақат расмийлар бундай никоҳни тасдиқласагина, бундай никоҳ амалга ошиши мумкин бўлади.

Диего Марадонанинг ажойиб спорт карьераси унга чексиз тижорат имкониятларини очди, аммо тарихнинг энг яхши футболчиси ўзидан аниқ бўлмаган молиявий мерос қолдирди. "РБК" Марадонанинг активлари ва бизнесини аниқлаштиришга уриниб кўрди.

Хитой Рим Папаси Францискни янги китобидан олинган парча учун танқид қилди. Китобда Хитойдаги Уйғур мусулмон озчиликларининг азоб-уқубатлари тилга олинган эди. Пекин фикрига кўра, Папанинг сўзлари "ҳаққоний асосга эга эмас".

«Pinocchio» - режиссер Матео Гарроненинг Россияда 2020 йил прокатга чиқарилган филми. Афтидан, пандемия туфайли муваффақиятли бўлмади. Эҳтимол, мана шу сабабли у эътиборсиз қолиб кетди, менимча бу нотўғри ва бу хатони тузатиш керак.

Ҳабашистонда уч ҳафтадан буён қуролли тўқнашув давом этмоқда, юзлаб одамлар ҳалок бўлди. Урушни Бош вазир Абий Аҳмад бошлади – у бир йил олдин Нобел тинчлик мукофоти совриндори бўлганди. БМТ Хавфсизлик кенгаши 24 ноябр куни Ҳабашистондаги қўролли тўқнашувга бағишланган норасмий мажлисга тўпланади.

"Трампнинг оиласи қамаладими? Дональд Трампнинг сайловдаги мағлубияти билан келажакда ҳибсга олиниши ҳақидаги сценарийлар кўп йиллар давомида Қўшма Штатларда муҳокама қилинди. Ўз-ўзини афв этиш ҳуқуқий имкониятлари ҳақида Президентнинг сўнгги саволлар бу миш-мишларни янада кучайтирди", - деб ёзади немис журнали Focus.

Президент Гурбангули Бердимуҳамедов 25 ноябрь куни Болқон вилоятига ишчи сафари доирасида вилоят бош масжидининг очилиш маросимида иштирок етди, деб хабар бермоқда Туркманистон давлат ахборот агентлиги.

Аргентина афсонавий футболчи, миллий терма жамоа бош мураббийси Диего Марадона билан видолашишга тайёрланяпти. Ҳукумат уч кунлик мотам эълон қилди. Спорт юлдузи 60 ёшга тўлганидан сўнг ҳаётдан кўз юмди. Марадона охирги йиллар соғлиғи билан боғлиқ муаммоларга дуч келганди. Шу ойнинг бошида собиқ спортчининг миясига қон қуйилиб, ўшанда шифокорлар унинг ҳаётини сақлаб қолган эди.