Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Ямандаги уруш айни пайтга келиб камида 91 600 кишининг ҳаётига зомин бўлди, дея хабар беради зўравонликни ўрганувчи таҳлил маркази чоршанба куни. Бу 2015 йил ҳарбий ҳаракатларнинг биринчи ойлари учун ҳисоботдан кейинги энг янги баҳодир.
Қатар делегацияси якшанба куни Исроилдан қамал қилинган анклавга янги электр узатиш линиясини қуриш лойиҳасини илгари суриш мақсадида Ғазо секторига нақд пул билан 20 миллион доллар етказиб берди. Қатар, ўтган йили электр энергияси учун пул тўлашни тўхтатган Фаластин маъмуриятининг ваколатларини ўз зиммасига олган ҳолда, ойига 11 миллион долларлик янги электр узатиш линиясини молиялаш орқали Ғазо секторининг энергия эҳтиёжларини қондиришга умид қилмоқда.
"Сара Нетаняху, яҳудийлар давлати бош вазирининг рафиқаси, гарчи Исроилнинг қиролича-онаси бўлишни орзу қилаётган бўлса-да, кўплаб ғийбатлар предмети бўлиб келмоқда. Бир неча йил давомида у ва унинг турмуш ўртоғи коррупцияда шубҳаланиб келмоқда. Исроил адлия вазирлиги Бенямин Нетаняхунинг турмуш ўртоғига «сурункали фирибгарлик» ва «ишончни суиистеъмол қилиш»да айблов қўйилганда реал воқеликка айланди, - деб ёзади Le Figaro журналисти Сеголен Форгар.
Пайшанба куни Эрон «ер-ҳаво» ракетаси билан АҚШ учувчисиз қурилмасини уриб туширди, бу эса Теҳрон ва Вашингтон ўртасида Форс кўрфазида йирик ҳарбий қарама-қаршилик юзага келиши мумкинлиги борасида ташвиш уйғотди. Гарчи КСИР элита кучлари Эрон ҳаво майдонига кирганидан кейин АҚШ учувчисиз қурилмасини уриб туширганини айтган бўлса-да, АҚШ расмийлари қурилма ўша пайт халқаро ҳудудда бўлганини айтди.
Исроил президенти Реувен Ривлин якшанба куни Франция имомлар Конфедерациясининг делегацияси ҳамда Франция ва Белгия мусулмон жамоатлари фаоллари билан учрашди. Учрашув пайтида Ривлин иудаизмнинг ислом билан муносабатлари ҳақида фикр билдирди.
«Ҳузур» нашриёт уйи томонидан Мухаммад Шокир бин Мухаммад Зокир Сулаймонийнинг тўрт жидли «Ислом тарихи» асарини чоп этилди. Татаристон Республикаси мусулмонлар диний бошқармаси сайтида қайд этилишича, «Ислом тарихи» – XX аср бошларида татар тилида чоп этилган қимматли асардир.
Дам олиш кунлари «Боко ҳаром» жангарилари томонидан шимолий Камерунда содир этилган деб тахмин қилинаётган ҳужуми натижасида ўнлаб одамлар, жумладан, аскарлар ва фуқаро шахслар ҳалок бўлди. Мамлакат расмий вакилларининг хабар беришича, бу гуруҳнинг мамлакат ҳудудидаги энг кўп қурбон келтирилган ҳужуми бўлди.
Саудия пойтахтида қироллик тарихида биринчи марта машҳур Милан театри қошида ташкил қилинган La Scala театр академияси томонидан ташкиллаштирилган опера концерти бўлиб ўтди. The Saudi Gazette хабар қилишича, «Итальян операси дунёсига саёҳат» концерти Саудия Арабистони Маданият вазирлиги кўмагида бўлиб ўтди.
Саудия Арабистонида ОАВ қироллик ҳудудида спиртли ичимликлар рухсат этилиши ҳақида хабарларни рад қилди. Аввалроқ турли нашрларда Саудия Арабистони ҳудудида спиртли ичимликларга тақиқнинг олиб ташланиши кўзда тутилаётгани ҳақида хабарлар пайдо бўлди.
Миср давлат телевидениесининг хабар беришича, 67 ёшлик Мурсий "жосуслик" иши бўйича суд қилинаётган суд залида вафот қилган. Мурсий шунингдек, ХАМАС ва Ливаннинг Ҳизбуллоҳ гуруҳи билан алоқаларда ҳам ҳарбий хунта тарафидан айбланаётганди.
Австралиялик Брентон Таррант, судда адвокат орқали унга Янги Зеландиянинг Крайстчерч шаҳридаги масжидларда отишма билан боғлиқ барча моддалар учун ўзини "айбдор эмас", деб айтган. 28 ёшли Таррант 51 эпизодда қасддан одам ўлдириш, 40 суиқасд ва террорчилик ҳаракатида айбланади, дея хабар беради The Guardian.
Доғистоннинг «Черновик» газетаси «Дин» бўлими муҳаррири, машҳур журналист Абдулмумин Гаджиевдан экстремизмни молиялаштиришдаги айбловни олиб ташлаш ва «одамлар тақдирини синдирадиган жиноят ишлари ўйлаб топадиган» шахсларни жавобгарликка тортишни талаб қилиб чиқди. Бу ҳақида нашр сайтида айтилади.
Макка шаҳридаги машҳур соатли минорада 4 қаватли астрономия музейи очилди. Музейда сайёҳлар галактикалар моделлари ва астрономия мавзусидаги экспонатларни томоша қилиши мумкин, музей 600 метр баландликда жойлашган бўлиб, томоша қилиш майдончасидан Каъбани ва зиёратчилар гуруҳларини юқоридан томоша қилиш мумкин.