Қирғизистон парламенти матбуот хизмати раҳбари Ибраим Нуракун уулу Facebook саҳифасида унда коронавирус аниқлангани хабар қолдирди. “Якшанба куни ҳароратим кўтарилди. Ўшандан бери уйдан чиқмадим. Бугун мен COVID-19 бўйича таҳлил натижаларини олдим. Улар ижобий ”, - деб ёзди Нуракун уулу.
Францияда коронавирус қурбонлари сони 29,6 минг кишидан ошди, дея хабар беради Соғлиқни сақлаш Бош бошқармаси (ДГС) пайшанба куни. Бир кун олдин 29,575 ўлим ҳолати қайд этилган. "Эпидемия бошлангандан бери 103 654 киши касалхонага ётқизилди, шундан 18 220 нафари реанимация бўлимларида. 73 887 киши уйига жўнатилди.
Мисрда аниқланган коронавирус инфекциясининг умумий сони 50 мингдан ошди, дея хабар берди Соғлиқни сақлаш вазирлиги пайшанба куни. "Коронавирус бўйича ўтказилган тестларнинг 1218 та янги ижобий натижалари қайд этилди, улар илгари мурожаат қилган беморларни кузатув орқали аниқланди. Бир суткада 88 киши ушбу касалликдан вафот этди", - деди «РИА Новости»га Соғлиқни сақлаш вазирлигининг расмий вакили Холид Мугаҳеда.
Эрон Ташқи ишлар вазири Муҳаммад Жавод Зариф МАГАТEнинг иккита ядровий объектга кириш тўғрисидаги талабига жавобан "мақбул ечим" ни эълон қилди. Агентликнинг бош директори Рафаел Гросси душанба куни МАГАТE Бошқарувчилар кенгашида нутқ сўзлаб, Эронни тўрт ойдан бери Теҳрон ташкилот инспекторларига кириш имконини бермаган иккита объектга зудлик билан киришга чақирди.
АҚШ президенти Доналд Трамп келгуси ноябр ойидаги сайловларда демократлар томонидан жорий қилинаётган почта орқали овоз бериш амалиёти туфайли ютқазиши мумкинлигини айтди. "Чунки демократлар муттаҳамлик ва ўғирлик қилишади. Улар баъзи ҳудудларга, асосан республика ҳудудларига сайлов бюллетенларини юбормайдилар", деди Оқ уй раҳбари Washington Times газетасига берган интервьюда.
Иккинчи Жаҳон урушидан кейин яратилган йирик можароларнинг олдини олиш тизимини сақлаб туриш ва такомиллаштириш керак, деди Россия Президенти Владимир Путин. "Бизнинг бурчимиз - сиёсий жавобгарликни ўз зиммасига олган ҳар бир киши ва энг аввало Иккинчи Жаҳон урушидаги ғолиб кучларнинг вакиллари - бу тизимнинг сақланиб қолиши ва яхшиланишини таъминлаш", - деб ёзди у "National Interest" нашрида пайшанба куни чоп этилган мақолада.
Миср Ташқи ишлар вазирлиги Ироқнинг шимолидаги ҳудудларни Туркия ва Эрон қуролли кучлари томонидан ўққа тутилишини қоралаб, бундай ҳаракатлар минтақадаги инқирозни янада мураккаблаштирганини таъкидлади. Пайшанба куни Ироқ Ташқи ишлар вазирлиги Бағдоддаги Туркия элчисини чақириб, унга иккинчи норозилик нотасини Ироқ шимолида КИПга қарши яна бир операциядан бир ҳафта ўтгач топширди.
Facebook и Twitter Қўшма Штатлардаги норозилик намойишларига чет элликлар аралашувини топа олмади, деб айтди ушбу онлайн платформалар вакиллари разведка бўйича вакиллар палатаси қўмитасида бўлиб ўтган ишни кўриб чиқишда. Аввалроқ АҚШ бош прокурори Уильям Барр АҚШдаги норозилик намойишларига "хорижий аралашув" ҳақида баёнот бериб, маълум бир давлатни айбламаганди.
Маҳбуслар, шу жумладан подполковник ва уч майор ҳам соғ-саломат қайтиб келдилар, деб ёзади газета. Қўмондонликнинг таъкидлашича, ҳинд ҳарбийларидан ҳеч бири бедарак йўқолмаган. Душанба куни кечқурун Галван водийсида Ҳиндистон ва Хитой ҳарбий кучлари ўртасида бўлиб ўтган тўқнашувдан сўнг икки мамлакат ўртасидаги зиддиятларнинг янги босқичи бошланди.
Россия президенти Владимир Путин Иккинчи Жаҳон уруши якунининг 75 йиллигига бағишлаган мақола ёзди. Ушбу материал американинг The National Interest журнали томонидан босиб чиқарилди. Давлат раҳбари "Мюнхен фитнасини гилам остига супуриб ташлаш" ва Совет Иттифоқининг нацизмни енгишда ролини қайта кўриб чиқишни истаган бир қатор европалик сиёсатчилар билан сиртдан мунозараларга киришди.
Канадада коронавирус юқтириб олинганлиги қайд қилинган ҳолатлар сони 100 мингдан ошиб кетди, хабар қилади Канаданинг CBC телеканали. Телеканал маълумотларига кўра, Онтариода бир суткада 173 та янги ҳолат ҳақида хбар қилинганидан сўнг Канадада янги турдаги коронавирус билан каалланганлар умумий сони 100 146 кишини ташкил қилди. 8348 киши вафот этган, 62 442 киши тузалиб кетган.
Бугунги кунда ғарбда кузатилаётган Иккинчи жаҳон уруши якунларини тафтиш қилишга қаратилган ҳаракатлар тинч ривожланиш тамойилларига таҳдид солади, деди Россия президенти Владимир Путин.