Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Миср марказий банки (ММБ) пайшанба куни маълум қилдики, мамлакатнинг ташқи қарзлари бир йил ичида 17,2 фоизга ўсиб, 2018 йил июн ойининг охирида 92,6 млрд. долларга етди, ўтган йилнинг худди шу вақтида бу кўрсаткич 79 млрд. долларни ташкил қилганди.
Туркияда миллиондан ортиқ мактаб ўқувчилари «Эзгуликда мусобақа» номи остида хайрия компаниясида иштирок этмоқда. У Инсон ҳуқуқлари ва эркинликларини ҳимоя қилиш ва инсонпарварлик ёрдами Фонди кўмагида бўлиб ўтмоқда. Ғайриодатий мусобақа мамлакатда олти йилдан буён ўтказилмоқда, деб хабар берилди фонд сайтида.
Тожикистон пойтахти сауналарига никоҳ қурмаган жуфтликларни киритиш тўхтатилди. Энди ўз муносабатларини фақат ФХДЁ бўлимларида расман қайд қилган жуфтликларгина ҳаммомда бирга чўмилишалари ва дам олишлари мумкин. Сауналар эгалари ташриф буюрувчиларда ФХДЁ штампи бор ёки йўқлигини текширмоқда.
Исроил Бош вазири Биньямин Нетаньяху яқинда султон Қобус бен Саиднинг таклифи бўйича Уммонга ташриф буюрди. Сафар давомида Нетаньяхуга унинг турмуш ўртоғи Сара, Исроил ташқи разведкаси «Моссад» бошлиғи Йосси Коэн, миллий хавфсизлик бўйича маслаҳатчи Меир Бен-Шаббат, шунингдек, ТИВ бош директори Юваль Ротем ҳамроҳлик қилди.
Кремлда Саудия Арабистони қирол оиласининг журналист Жамол Хашукджининг ўлимини диққат билан тергов қилишдан манфаатдор эканлиги ҳақидаги баёнотини маъқуллади. Бу ҳақида Россия президентининг матбуот котиби Дмитрий Песков хабар қилди.
Исроил армияси ҳарбий хизматчилари Иордан дарёсининг босиб олинган Ғарбий қирғоғида жойлашган Фаластин мактабида кўздан ёш оқизадиган газ сепдилар ва шовқин бомбаси ташладилар. Фаластин Таълим вазирлиги вакили Содиқ Хадурнинг маълум қилишича, воқеа Халил шаҳридаги «ан-Наҳда» бошланғич мактаби боғида ўринга эга бўлган.
Дубайда Малавиялик ишбилармонлар, ака-ука Муҳаммад ва Имрон Карим ҳар куни уч мингга яқин ишчини овқатлантирмоқда. Бунинг учун ҳар куни соат бешда улар Kite Beach яқинидаги турли қурилиш майдонларига бориб, иссиқ овқат ва ичимликлар тарқатмоқда. Икки соат давомида улар Umm Suqeim масжиди томон ҳаракатланиб, хайрия ташаббусини давом эттирадилар.
Инсон ҳуқуқлари бўйича Европа суди сўз эркинлиги Муҳаммад Пайғамбарни ҳақорат қилишни оқлаш учун хизмат қилмайди деб қарор қилди, шу муносабат билан Австрия фуқаросига нисбатан ислом динида марказий фигуралардан бирига айбловлар учун белгиланган жаримани кучда қолдирди.
Қозоғистоннинг Оқмўла вилоятида касалхонада намоз ўқиш учун мўлжалланган хона ташкил қилганликда айбланган шифокор суд қарори билан оқланди. Дин ишлари бўйича бошқарма ҚР Маъмурий кодексининг «Диний маросимлар ўтказишга талабларнинг бузилиши» 490-модда 1-қисм 1-банди бўйича " Оқмўла вилоят касалхонаси" анестезиология ва кардиореанимация бўлимининг 33 яшар бошлиғига нисбатан маъмурий баённома тузди.
МРБ директори Джина Хаспел турк хавфсизлик кучлари ходимлари унга саудиялик журналист Жамол Хашукджи шафқатсиз ўлдирилгани ҳақида аудиоёзувни эшитиб кўришга берганидан сўнг Туркиядан Вашингтонга қайтмоқда. Американинг The Washington Post газетаси хабардор шахсларга ҳавола қилган ҳолда берган маълумотларга кўра, турк расмий шахслари билан учрашувда Хаспел МРБ раҳбарига Хашукджи Apple Watch қурилмасига ёзиб олган аудиоёзувни эшиттирдилар.
БМТ терговчиларининг фикрига кўра, Мьянмада рохинья мусулмон халқига қарши геноцид аввалгидек давом этмоқда ва бу мамлакат ҳукумати демократик жамият барпо этиш ҳақида умуман қизиқмаяпти. Мьянма бўйича далилларни аниқлаш БМТ комиссияси раиси Марзуки Дарусманнинг маълум қилишича, ўтган йил рўй берган қонли «тозалаш»лардан кейин ҳам мамлакатда қолган 250 минг кишидан 400 минг кишигача бўлган рохинья мусулмонлари ҳамон кучли қатағонга дуч келмоқда.
Урдунда бир пайтлар терроризмга қарши кураш бўйича хизматни бошқарган генерал Хабис Ханайнех ўз уйининг олдида отиб кетилди, деб хабар беради Урдун хавфсизлик кучлари ва тиббиёт ходимлари. Ханайнех пойтахт Уммон шаҳрининг жануби-ғарбида, тахминан 30 км масофада жойлашган Мадаба шаҳрида сешанба куни соат 7:00 да (Гринвич бўйича 16:00) ўлдирилди.
Саудия Арабистонидан Покистонга 6 миллиард долларлик ёрдам пакетини бериш ҳақида яқинда келиб тушган таклифга қарамай, Исломобод аввалгидек, Халқаро валюта жамғармасидан (ХВЖ) ёрдам ундиришни режалаштирмоқа. Бу ҳақида чоршанба куни Покистон Молия вазирлиги хабар берди.