Янгиликлар (5379)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Швейцария саудиялик журналист Жамол Хашукджининг Истанбулдаги қироллик консулхонасида ўлдирилиши муносабати билан хавотир билдирган ҳолда Саудия Арабистонига қурол-яроғлар учун эҳтиёт қисмлар етказиб беришни тўхтатди. Иқтисодий ишлар бўйича департамент матбуот котиби Фабиан Майенфиш чорашнба куни AFP агентлигига хабар қилишича, Берн воқеалар ривожини кузатиб боради ва келажакда ўз қарорини бекор қилиши мумкин.
«Толибон» халқаро террорчилар гуруҳи Афғонистоннинг тобора кўплаб ҳудудини ишғол қилишда давом этмоқда. Афғонистонни тиклаш бўйича махсус бош инспектор Джон Сопконинг ҳисоботига кўра, ҳозирда толиблар 2001 йилдан бошлаб ҳисоблаганда мамлакат ҳудудининг энг катта қисмини назорат қилмоқда.
Жанубий Корея Олий суди диний сабабларга кўра армияда хизмат қилишдан бош тортишни қонунийлаштирди. Эълон қилинган қарорда, хусусан, қайд этилишича: «диний сабаблар асосида армияда хизмат қилишдан бош тортганлик учун жазолаш конституцияга зид ҳисобланади, чунки шахснинг виждон эркинлигини бузади ва бошқа асосий эркинликларини хавф остига қўяди».
АҚШ «Ислом давлати» халқаро террорчилар гуруҳи жангариларига қурол-яроғ етказиб берган ва бунинг эвазига олтин ва тарихий артефактлар олган. Бу ҳақида араб тилидаги ҳужжатга ва Курдистон ишчи партиясининг қурол-яроғ етказиб беришда иштирок этган манбасига ҳавола қилган ҳолда Туркиянинг Yeni Safak нашриёти хабар беради.
Нигериянинг Борно штатида 200 нафар террорчидан иборат қуролланган гуруҳ бир нечта аҳоли пунктига ҳужум уюштириши оқибатида ўнлаб тинч аҳоли ҳалок бўлди. Кофа қишлоғида қурбонлар орасида имом ва унинг тўрт нафар оила аъзоси ҳам бор бўлиб, уларнинг пешанасига аччиқ қисмат ёзилган экан – Боко Ҳаром (террорчилар гуруҳи) жангарилари имомни ҳам, унинг яқинларини ҳам тириклайин ёқиб юбордилар.
Нью-Йоркда опа-сингил Тала ва Ротана Фареанинг танаси топилишидан бир кун олдин Саудия Арабистони элчихонаси ходими қизларнинг онасига қўнғироқ қилиб, оила зудлик билан Қўшма Штатларни тарк этишини талаб қилган, хабар беради CBS News телеканали полиция маълумотларига ҳавола қилган ҳолда.
Покистон президенти Исломобод аэропортида текширувдан ўтиш ва рўйхатга олиш жараёни видеотасвири туфайли ижтимоий тармоқларда шов-шувли муҳокамаларга ва пичингларга сабабчи бўлди. Президент Ориф Алвий Покистондан Туркияга учиб кетиши лозим эди. У аэропортда умумий навбатга – оддий фуқаролар билан бир қаторда туришга қарор қилди.
Уфа шаҳрида полиция ходимасини унинг бошлиқлари томонидан гуруҳ бўлиб номусга тегиш ҳақидаги иш устидан тергов бошланди, хабар беради маҳаллий ОАВ. Жиноятда уч киши иштирок этган: Россия ИИВ Уфа район ички ишлар бўлим бошлиғи, 51 яшар подполковник Эдуард Матвеев, Россия ИИВ Кармаскалинск райони ички ишлар бўлим бошлиғи, 50 яшар подполковник Салават Галиев ва Россия ИИВ Уфа райони миграция масалалари бўйича бўлим бошлиғи, 34 яшар майор Павел Яромчук.
Тожикистон совет давридан қолган ҳарбий унвонларни алмаштиради, деб хабар беради журналистларга республика ҳукумати қошидаги тил ва атамалар бўйича Қўмита бўлими бошлиғи Абдурахим Зулфониен. Аввалроқ ушбу қўмита ҳарбий унвонларнинг тожикча номларини маъқуллаш учун олимлар, тарихчилар ва ҳарбийлардан иборат бўлган махсус гуруҳ ташкил қилганди.
Туркманистон ҳукумати бюджет соҳаси ходимларини мамлакатга республика президенти Гурбангули Бердимухамедовнинг қариндошлари томонидан олиб келинган велосипедларни сотиб олишга мажбур этишга қарор қилинди, деб хабар беради TurkmenYurt. Нашриёт маълумотларига кўра, Бердимухамедовнинг велосипед бизнеси билан шуғулланадиган жиянлари мамлакатга «темир от»лар янги партиясини келтирди.
Бугун, 1 ноябр куни Тошкент шаҳри Бектемир туманидаги машҳур (Қўйлиқдан Бектемир постига чиқиб кетавериш жойида) "Бешбармоқ" ошхонаси қайта ишга тушди. Бир неча йиллардан бери шинавандларга манзур бўлиб келаётган мазкур ошхона уч ойдан бери таъмирда эди. Бу ҳақда ошхона эгаси Абу Муслим хабар берди.
Саудиялик журналист Жамол Хашукджининг Истанбул шаҳридаги Саудия Арабистони бош консулхонасида ўлдирилиши бўйича ишни мустақил тергов қилиш зарур. Бу ҳақида БМТ инсон ҳуқуқлари бўйича Бош комиссари Мишель Бачелетнинг баёнотида айтилди, хабар беради Reuters.
Белгиялик 25 ёшли модел Мариса Папен дунёнинг турли қисмларида ўзининг беҳаё фотосессиялари билан машҳур. Яқинда бу модел Истанбулга ташриф буюрди ва яна бир марта «яланғоч» фотосессия амалга оширди. Мариса шаҳарнинг диққатга сазовор жойлари ичида ҳозирги пайтда тарихий музей сифатида очиқ бўлган Ая София жомесини танлади. Қиз қора рангдаги ҳижоб кийиб олган бўлиб, танасининг пастки қисмини яланғочлаш учун кийимини кўтариб расмга тушди.