Янгиликлар (5338)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Россия Ташқи ишлар вазири Сергей Лавров Москва билан иттифоқдош барча мамлакатларда, хусусан Ўзбекистонда ҳам рус тилига ихтисослашган мактаблар ташкил этилишини маълум қилди. Унинг таъкидлашича, Тожикистонда Россия методологияси бўйича бешта рус мактаби очилади. Ҳозирда Ўзбекистон учун ҳам шундай дастур тайёрланяпти. Арманистон ҳам бу лойиҳага қизиқиш билдирмоқда.
Россиядаги муҳожирлар орасида янги тенденция пайдо бўлди: мамлакатга Марказий Осиёдан аёллар кўпроқ кириб кела бошлади. «Миграциянинг аёл қиёфаси» халқаро анжумани қатнашчилари шундай хулосага келишди.
Саудиялик машҳур олим сешанба куни қамоқда вафот этди. Бу ҳақида хабар берган саудиялик инсон ҳуқуқлари ташкилоти қиролликда инсон ҳуқуқларининг даҳшатли тарзда бузлаётганини таъкидлади.
Бутун мамлакат бўйлаб ахборот сессиялари, тўгараклар ташкил қилинади, туб жойли аҳоли масжидларга таклиф қилинади.
Мали Бош вазири Шогел Какалла Маига Франция ҳарбийларининг мамлакат ҳудудида фаолият юритаётган террорчиларни тайёрлашга алоқадорлиги ҳақида рад этиб бўлмайдиган далилларга эга, деб хабар бермоқда РИА Новости.
Европага қочиб кетган ХХР полиция офицери хитойлик хавфсизлик кучлари қандай қилиб сохталаштирилган ишлар бўйича батафсил кўрсатмалар олиш учун ҳибсга олинган уйғур мусулмонарни қийноққа солиши ҳақида гапириб берди, деб хабар қилади lenta.ru сайти CNN га таяниб.
Нобел қўмитаси 2021 йил учун адабиёт бўйича мукофот совриндорини эълон қилди. У келиб чиқиши Занзибарлик бўлган, Буюк Британияда яшаб ижод қилаётган Абдулраззоқ Гурна бўлди. Мукофот "мустамлакачилик оқибатлари ва маданиятлар ва қитъалар ўртасида йўқолиб бораётган қочқинлар тақдирини муросасиз тадқиқ қилгани учун" тақдирланди.
Мутахассисларнинг ҳисоб-китоб қилиб айтишича, 2050 йилга бориб ер юзида кекса аҳолининг (65 ёшдан ошган) улуши 1,5 млрд. га етади ёки сайёрамиз аҳолисининг 22 фоизидан кўп бўлади экан. Ёши улуғ инсонларнинг муаммолари ва қариш мавзусига эътиборни кучайтириш мақсадида 1990 йилда БМТ 1 октябрни халқаро кексалар куни деб эълон қилувчи резолюция қабул қилди.
ЮНИСЕФ: Ўзбекистонда интернатларда яшовчи болалар улуши ўртача дунё кўрсаткичидан икки баробар катта
Ўзбекистонда, яқинда қабул қилинган деинститутионализация сиёсатига қарамай, юзлаб болалар яшйдиган йирик интернат муассасалари ҳали ҳам болаларга муқобил қараш варианти ҳисобланади. Бу ҳақида UNICEF матбуот хизмати хабар бермоқда.
Франция ички ишлар вазири Жералд Дарманин томонидан бошланган Исломга қарши кампаниянинг бир қисми сифатида, 2020 йил ноябридан бери, бу даврда Францияда полиция томонидан текширилган 89 та масжиддан ҳар учинчиси ёпилди, дея хабар бермоқда Yeni Sabah.
Британиялик муслима ўқитувчи Сабина Нессанинг ўлдирилиши жамиятни ларзага солиб, Буюк Британияда хотин-қизларга нисбатан зўравонлик даражасининг ўсиб бораётгани ҳақида жамоатчиликни ташвишга солди.
«Толибон» қизлар таълим ололмаса, халқаро ҳамжамият томонидан Афғонистоннинг де-факто ҳокимияти сифатида тан олинмайди. Бу ҳақда Бирлашган Миллатлар Ташкилоти Бош котибининг биринчи муовини Амина Муҳаммад маълум қилди. Амина Муҳаммад Афғонистонда қизлар тарбияси бўйича Бош Ассамблея сессияси доирасида ўтказилган урашувда иштирок этди.
Франция Жазоир, Марокаш ва Тунис аҳолиси учун виза беришни сезиларли даражада қисқартирди, республика ҳудудини тарк қилиш талаби билан бу мамлакатлардан келган муҳожирлар учун кўрсатмалар эса, йил бошидан буён кескин ошди. Ушбу маълумот сешанба куни Europe радиостанциясига мамлакат ҳукуматининг расмий вакили Габриел Аттал томонидан тасдиқланган.