Қайд этилганидек, Ўзбекистонда болаларни турар-жой муассасаларига жойлаштиришнинг асосий сабаблари сифатида қуйидагилар келтирилган: қашшоқлик, оилавий муаммолар, миграция ва ажралиш. Маълумотларга кўра, 2018 йилда 26 минг 532 нафар бола ҳар хил турдаги интернат муассасаларида истиқомат қилган, уларнинг аксарияти ногирон болалар.
Ўзбекистонда интернат муассаса ларида яшйдиган болалар улуши ҳар 100 мингта болага 255 тани ташкил қилади, бу ўртача дунё кўрсаткичидан икки баравар каттадир. Ота-она қарамоғисиз қолган болаларнинг энг катта қисми 7 ёшдан 17 ёшгача тўғри келади, лекин ота-она қарамоғисиз қолган икки ёшдан кичик болалар сони тобора ортмоқда.
Шу муносабат билан ЮНИСЕФ Инсон ҳуқуқлари бўйича ваколатли шахс ва Республика болалар ижтимоий адаптация маркази билан ҳамкорликда, Олий Мажлис Сенатининг ёшлар, маданият ва спорт ишлари бўйича Қўмитаси кўмагида Тошкент вилоятида «Интернат муассасаларида яшайдиган болалар ҳақида маълумот тўплаш ва карталаш» тадқиқотини бошлади.
Маълумотларга кўра, тадқиқот Ўзбекистонда болаларга ғамхўрлик қилиш тизимини ислоҳ этиш учун амалий маълумотлар олишга қаратилган.
ЮНИСЕФ нинг ҳисоблашича, ҳар бир бола оила муҳитида яшаш ва ўсиш ҳуқуқига эга, ва болалар учун янги интернат мактаблар яратиш тақиқлаш ва уларнинг оилалари ва жамоалар учун бола парваришлаш муассасаларида жойлаштирилган болалар босқичма-босқич қайтишини режалаштириш, шу жумладан, бола парваришлаш тизимини ислоҳ жадаллаштириш Президентининг қарорини маъқуллайди.