Долзарб мавзу (1106)
Подкатегории
"Сурия шимолига бостириб кириш учун Туркияга яшил чироқ бериб, АҚШ бир зумда Яқин Шарқдаги кучлар мувозанатини ўзгартириб юборди. Бундан энг катта ютуққа Россия эга бўлмоқда", - деб ёзади The Wall Street Journal.
Саудия Арабистони қироллиги ҳақиқатда сайёҳлик визалари тизимини ишга туширди. Ушбу мамлакатда сайёҳлик йўналишини ривожлантириш 2016 йил Қиролликни ривожлантириш янги дастури – «Vision 2030» тақдимотида эълон қилинди. Мана энди 2019 йил 27 сентябрда нафақат Саудиянинг оддий шаҳарларига, балки муқаддас Макка ва Мадинага ташриф буюришга имкон берадиган илк сайёҳлик визаси олинди.
Туркияда ҳукмрон Адолат ва ривожланиш Партияси бир овоздан собиқ бош вазир Аҳмет Давутоғлуни партия сафидан чиқариш масаласини интизом коллегиясига қўйишга розилик билдирди. Душанба куни бошқа уч нафар партия аъзоси билан биргаликда 60 яшар сиёсатчини ҳам партия сафидан чиқариш масаласини кўриб чиқиш ҳақида қарор Эрдўған томонидан бошқариладиган Партия марказий ижроия қўмитаси йиғилишидан кейин қабул қилинди.
Бизга аниқ фанларни ўзлаштириш, ўқиб-ўрганишда мусулмонлар ортда қолишяпти, деб бутун эътиборни замонавий касбларни эгаллашга тарғиб қилишди. Ҳа, бунга озми-кўпми эришдик, интернет сарҳадларида айланиб юриб, у ёки бу мусулмоннинг замонавий дунё илм-фанига қўшган ҳиссаси, янги кашфиёти ҳақида мақолаларни ўқиб қоламиз, демак, биз у ерда бормиз. Ва биз бундан бошимиз кўкка етиб, мақтаниб юрибмиз. Аслида 5-6 аср аввал шу ишларга бошқаларни бизнинг ота-боболаримиз тарғиб қилишган.
Саудия Арабистони ниҳоят ўзининг ракетага қарши мудофаа тизимини ишончли мудофаа учун мақбул келадиган кўринишга келтириши ҳақида қарор қилди. Чунки бундан олдинги хусийларнинг ракета ҳужумлари, гарчи сезиларли даражада амалга ошган бўлсада, ўтган ҳафта охирида Saudi Aramco компанияси терминалларини портлатишда рўй берганидек улкан талофат етказмаган эди.
Удмуртлар этноциди ва русификация сиёсатига қарши норозилик белгиси сифатида Удмуртия халқи жамоатчилик етакчиларидан бири, олим Альберт Разиннинг ўзини-ўзи ёқиб юбориши, кутилганидек, мамлакатнинг барча туб аҳолиси миллий зиёлилари орасида кенг шов-шувларга сабабчи бўлди.
Россия Федерациясида сўнгги қозоқ мактаби ёпилмоқда. Бу ҳақида машҳур блогер Айбар Азаматов ўзининг инстаграм саҳифасида маълум қилган. Блогернинг таъкидлашича, сўнгги қозоқ мактаби ўтган йили тўлалигича рус тилида таълим олиш шаклига ўтди.
Макрон билан учрашув пайти мен унга дедим: Сен бу масалаларда ҳали ёшсан, сизларнинг Жазоирдаги ҳарбий жиноятларингиз ҳақида жуда яхши биламиз, шунингдек, Руанда давлатидаги ҳарбий жиноятларингиз ҳақида ҳам биламиз, Африкадаги бутун бошли халқни қириб ташлаб, кейин вертолётларда у ердан олмослар олиб кетиш учун қўнганингизни ҳам биламиз.
Тель-Авив бомбардимон қилишни давом эттирмоқда, Ҳизбуллоҳ ўч олишга ваъда бермоқда. Бундан бир неча кун олдин Исроил Байрут томон учувчисиз иккита учар аппарат жўнатди. Уларга Ҳизбуллоҳ шиалар гуруҳи билан боғлиқ объектларга зиён етказиш вазифаси юкланганди. Ҳужум нисбатан муваффақиятли якун топди – битта дрон уриб туширилди, иккинчиси эса Ливан потахтининг жанубий қисмида жойлашган нишонгача етиб борди.
"(...) G7 давлатлар раҳбарлари, охир-оқибат, бундай қилиш «мумкин эмас» деган хулосага келдилар. Биарриц шаҳрида 24 август, шанба куни бўлиб ўтган саммитнинг очилиш маросими давомида улар Украинадаги инқироз масаласини кўриб чиқдилар ва «Россияни G7 музокаралар столига ўтказиш учун ҳали жуда эрта» деб топдилар. Бошқа томондан, улар «катта еттилик жорий инқирозлар борасида Россия билан суҳбатни ва мувофиқлашувни кучайтирмоқда» деган фикрга келдилар", - деб ёзади Франциянинг La Croix нашри Биаррицдаги мухбири Ален Гиймол.
Дунё гегемонига айланиш мақсадида Америка итоаткорликни намойиш қилишга тайёр бўлган кўплаб "укалар"ни сотиб олади, чунки Қўшма Штатлар жуда қулай шарт-шароитларни таклиф қилади. Бироқ, баъзи "укалар" барибир қарши чиқишди ва еттита "салкам самолёт ташувчиларни" қурди, деб ёзади "Sohu". Бу беихтиёр бизни Россия узоқ вақтдан бери АҚШнинг асосий душмани бўлмай қўйган деб ўйлашга мажбур қилмоқда.
"Россия ва Туркия Суриянинг Идлиб шаҳридаги одамларга хавфсизлик ваъда қилди. Бироқ минглаб ҳалок бўлганлар ва юз минглаб қочоқлар шундан далолат берадики: Эрдўған Путиннинг беандишалигига қарши қўядиган ҳеч нарсаси йўқ", - деб ёзади немис журнали Der Spiegel.
"(..) Доналд Трампнинг Гренландияни сотиб олиш ҳақидаги бемаъни истагига - ва шундан кейин юзага келган Дания билан келишмовчиликка - Трамп президентлигининг яна бир ҳазили сифатида, дунё эртанги куннинг янги чалғитувчи твитлари билан унутадиган яна бир зерикарли фикр, яна бир ғазаблантирадиган воқеа сифатида қарагиси келади одамнинг ", - деб ёзади The Guardian саҳифаларида шарҳловчи Ричард Уолфе.