Янгиликлар (5338)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Европанинг 30 дан ортиқ мусулмон ташкилоти Франция президенти Эммануэл Макронни нифоқ ва нарат уруғларини сочаётган исламофобик риторикага чек кўйишга чақирдилар. Очиқ хатда бир неча мамлакатдан, жумладан, Нидерландия, Финляндия ва Италиядан келган мусулмон ташкилотлар вакиллари ўқитувчи Самюэл Патининг ўлдирилишидан сўнг Франция Президентини мамлакатни "кучли маънавий етакчилик" билан таъминлай олмаганликда айблади.
Хитойда сўнгги бир неча ой ичида энг йирик коронавирус эпидемияси Шинжондаги фабрикада рўй берди, бу уйғур аҳолисига нисбатан репрессив коммунистик сиёсат ва мажбурий меҳнат билан боғлиқ. Ўтган ҳафта Шинжон жанубидаги Шуфу округида қайд қилинган 180 дан ортиқ Covid-19 ҳолати 2018 йилда «қашшоқликка қарши кураш» - тадқиқотчилар ва ҳуқуқ ҳимоячилари мажбурий меҳнат деб атайдиган кампания доирасида қурилган фабрика билан боғлиқ бўлиши мумкин.
Машҳур саудиялик воиз, кўп миллионли тиражда босиб чиқарилган "Ла таҳзан" китоби муаллифи шайх Оиз ал-Қароний коронавирусга чалиниб, оғир аҳволда шифохонага тушиб қолди. Эркак ўқувчиларига хотинлари билан жанжаллашиб қолганда ўзининг ҳақлигини таъкидламасдан, индамасдан таслим бўлишни маслаҳат берган машҳур мусулмон мутафаккир ар-Риёд давлат касалхонасининг реанимация бўлимида, дея хабар бермоқда IslamNews сайти GulfNews га таяниб.
Францияда теракт қурбонлари сони ошмоқда. Журналистлар «жаҳаннам» ҳақида гапиряпти. Францияда теракт қурбонлари сони ошмоқда, хабар қилади журналистлар воқеа жойидан. ОАВ вакиллари эса, ҳозир Ниццада юз бераётган «жаҳаннам» ҳақида гапирмоқда. «Яна кесилган бошлар» - шундай изоҳлади фожиали вазиятни тележурналист Евгений Попов.
Парижнинг қоқ марказида, Эйфел минорасининг ёнгинасида икки мусулмон аёлга бир неча марта пичоқ уриб кетилди. Бу ўқувчиларга Муҳаммад соллаллоҳу алайҳи васалламга карикатураларни кўрсатган бир география ўқитувчиси бошидан жудо қилинганидан кейин Парижда кўтарилган зиддиятлар шароитида рўй берди.
Франция мусулмонлар ташкилоти раҳбари Муҳаммад соллаллоҳу алайҳи васалламга карикатурлар билан боғлиқ вазиятга ўз муносабатини билдириб, ўлдирилган ўқитувчини қаҳрамон деб атади. Франция мусулмонлар Кенгаши раҳбари Муҳаммад Муссавийнинг сўзларига кўра, мамлакат мусулмонлари «Муҳаммад соллаллоҳу алайҳи васаллам хотирасини таҳқирлаш» саналган Самюэл Патининг ўлдирилишидан «даҳшатда ва чуқур хижолатда».
Франция Ташқи ишлар вазирлиги айрим мусулмон давлатлар француз маҳсулотларига нисбатан эълон қилган бойкотга даъватларни зудлик билан тўхтатишни талаб қилди. Вазирлик бундай ҳаракатларни бефойда деб атади.
РКК Сурия қаноти жангарилари Дейр эз-Зор вилояти аҳолисини ўққа тутди. РКК Сурия қаноти [YPG] жангарилари Франция президенти Эммануэл Макроннинг исламофоб баёнотларига қарши Шарқий Суриянинг Дейр эз-Зор вилоятидаги норозилик намойиши иштирокчиларига қарата ўт очди.
Туркия раҳбарининг сўзларига кўра, Европа "фашист менталитети"ни намоён этмоқда ва у исломофобиядан иложи борича тезроқ қутулиши керак. Эрдўғаннинг бу сўзларига Берлиндаги масжидга уюштирилган полиция рейди сабаб бўлди.
Имрон Хон: ҳақиқий сиёсатчи жамоатчиликни бирлаштириш ва жисплаштириш омили бўлиб хизмат қилиши керак. Покистон Бош вазири Имрон Хон Франция президенти Эммануэл Макроннинг Исломга қарши чиқишларини танқид қилди.
Бир қатор мусулмон мамлакатлардаги компаниялар президент Эммануэл Макроннинг Муҳаммад соллаллоҳу алайҳи васалламга карикатуралардан воз кечмаслик ҳақидаги ваъдалари туфайли Франциядан товарлар олиб киришга бойкот эълон қилди, хабар беради RTL.
Франция ички ишлар вазири Жеральд Дарманен мусулмонларнинг диний қонун-қоидаларига жавоб берадиган ҳалол гўшт сотилишини тақиқлашни талаб қилди. "Ҳалол гўшт супермаркетларда сотилади. Бу товар учун алоҳида токчалар ажратилади. Бу ишни тўхтатиш вақти келди", - деди вазир BFM телеканалига берган интервьюда. Унинг бу сўзлари жамиятда турли реакцияга сабаб бўлди.
Британиянинг ёшлар орасида оммавий бўлган PrettyLittleThing либослар бренди янги реклама кампанияси ўзига хослиги билан ажралиб, мода саноатида янги ривожланиш босқичи бошланишини белгилаб берди. Фирмада анъанавий мусулмон аёллари ўранадиган ҳижобли плюс-сайз моделларни суратга олишга жалб қилиш тўғри бўлади, деган қарорга келишди, хабар беради Lenta.ru.