Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Қосим-Жўмарт Токаев Туркистон вилоятининг Арис шаҳридаги вазият ҳақида фикр билдирди, деб хабар беради Tengrinews.kz. "Мудофаа вазири, Ички ишлар вазири, Туркистон вилояти ҳокимига Арис шаҳридаги ҳарбий қисмнинг ўқ-дорилар омборида портлашлар оқибатларини тугатиш ҳақида топшириқ бердим. Аҳоли хавфсизлигини таъминлаш ва портлашлар сабабларини аниқлаш зарур", - деб ёзди Президент ўзининг тwitter саҳифасида.
Энди СССР да туғилган ҳар бир киши РФ фуқаролигини олишни хоҳласа, улар олдида бундай имконият пайдо бўлди. Бунда хорижий фуқароликдан воз кейиш учун кўп сонли ҳужжатлар тўплаш зарурати ҳам йўқ. Ушбу янгилик «Комсомольская правда» газетасида эълон қилинди.
Помпеонинг сўзларига қараганда, Ўзбекистон ҳукуматининг олдида ҳали кўплаб ишлар турибди, лекин 30 йил ичида биринчи марта у қаттиқ хавотир уйғотадиган мамлакат ҳисобланмаяпти. АҚШ Давлат котиби Майк Помпеонинг баёнот беришича, Ўзбекистон диний эркинликлар билан боғлиқ вазиятни анча юмшатди, хабар беради РИА Новости.
Саудия Арабистонида таниқли Исломий воиз ва олим телевидение орқали Қуръон ва Суннатнинг илгари сурилган жуда қаттиқ ва том маънодаги талқинлари учун узр сўради ва мўътадил қарашларга риоя қилишни ваъда қилди. Шайх Оиз ал-Қарни ўзининг диний қарашларининг тадрижий ривожланиши ҳақида гапириб, ёшлик йилларида Исломга бутунлай бошқача қараганини таъкидлади.
Тбилиси парламенти олдида бир неча минг киши тўпланди. Акция қатнашчиларининг аниқ сони номаълум. «Настоящее Время» мухбирининг воқеа жойидан хабар беришича, намойишчиларнинг бир қисми парламентнинг ички ҳудудига ўтган. Полиция намойишчиларни сиқиб чиқаришга уринди. Полиция қалқонларининг бир қисми одамлар қўлига тушди – улар оломон ичра тарқатиб юборилди.
Ямандаги уруш айни пайтга келиб камида 91 600 кишининг ҳаётига зомин бўлди, дея хабар беради зўравонликни ўрганувчи таҳлил маркази чоршанба куни. Бу 2015 йил ҳарбий ҳаракатларнинг биринчи ойлари учун ҳисоботдан кейинги энг янги баҳодир.
Қатар делегацияси якшанба куни Исроилдан қамал қилинган анклавга янги электр узатиш линиясини қуриш лойиҳасини илгари суриш мақсадида Ғазо секторига нақд пул билан 20 миллион доллар етказиб берди. Қатар, ўтган йили электр энергияси учун пул тўлашни тўхтатган Фаластин маъмуриятининг ваколатларини ўз зиммасига олган ҳолда, ойига 11 миллион долларлик янги электр узатиш линиясини молиялаш орқали Ғазо секторининг энергия эҳтиёжларини қондиришга умид қилмоқда.
"Сара Нетаняху, яҳудийлар давлати бош вазирининг рафиқаси, гарчи Исроилнинг қиролича-онаси бўлишни орзу қилаётган бўлса-да, кўплаб ғийбатлар предмети бўлиб келмоқда. Бир неча йил давомида у ва унинг турмуш ўртоғи коррупцияда шубҳаланиб келмоқда. Исроил адлия вазирлиги Бенямин Нетаняхунинг турмуш ўртоғига «сурункали фирибгарлик» ва «ишончни суиистеъмол қилиш»да айблов қўйилганда реал воқеликка айланди, - деб ёзади Le Figaro журналисти Сеголен Форгар.
Пайшанба куни Эрон «ер-ҳаво» ракетаси билан АҚШ учувчисиз қурилмасини уриб туширди, бу эса Теҳрон ва Вашингтон ўртасида Форс кўрфазида йирик ҳарбий қарама-қаршилик юзага келиши мумкинлиги борасида ташвиш уйғотди. Гарчи КСИР элита кучлари Эрон ҳаво майдонига кирганидан кейин АҚШ учувчисиз қурилмасини уриб туширганини айтган бўлса-да, АҚШ расмийлари қурилма ўша пайт халқаро ҳудудда бўлганини айтди.
Исроил президенти Реувен Ривлин якшанба куни Франция имомлар Конфедерациясининг делегацияси ҳамда Франция ва Белгия мусулмон жамоатлари фаоллари билан учрашди. Учрашув пайтида Ривлин иудаизмнинг ислом билан муносабатлари ҳақида фикр билдирди.
«Ҳузур» нашриёт уйи томонидан Мухаммад Шокир бин Мухаммад Зокир Сулаймонийнинг тўрт жидли «Ислом тарихи» асарини чоп этилди. Татаристон Республикаси мусулмонлар диний бошқармаси сайтида қайд этилишича, «Ислом тарихи» – XX аср бошларида татар тилида чоп этилган қимматли асардир.
Дам олиш кунлари «Боко ҳаром» жангарилари томонидан шимолий Камерунда содир этилган деб тахмин қилинаётган ҳужуми натижасида ўнлаб одамлар, жумладан, аскарлар ва фуқаро шахслар ҳалок бўлди. Мамлакат расмий вакилларининг хабар беришича, бу гуруҳнинг мамлакат ҳудудидаги энг кўп қурбон келтирилган ҳужуми бўлди.
Саудия пойтахтида қироллик тарихида биринчи марта машҳур Милан театри қошида ташкил қилинган La Scala театр академияси томонидан ташкиллаштирилган опера концерти бўлиб ўтди. The Saudi Gazette хабар қилишича, «Итальян операси дунёсига саёҳат» концерти Саудия Арабистони Маданият вазирлиги кўмагида бўлиб ўтди.