Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Бундан икки ой олдин бошланган асадчилар-россия кучлари Суриянинг шимолий-ғарбий қисмидаги ҳужумлари натижасида ҳалок бўлганлар сони камида 544 нафар тинч аҳолини ташкил қилади. Бу ҳақида Reuters инсон ҳуқуқлари бўйича Сурия тармоғига ҳавола қилган ҳолда хабар қилади.
Тожикистон жанубида 14 нафар маҳбус колонияга этап қилиш вақтида уларга берилган нондан заҳарланиб ўлди. Бу ҳақида РИА Новости Адлия вазирлиги Жиноий жазоларни ижро этиш бош бошқармасидан хабар олди. Маҳкамадан хабар қилинишича, 120 та эркак ва 8 та аёл маҳбус учта машинада Хўжанд ва Истаравшан шаҳарлардиан Душанбе ва мамлакат жанубидаги Нурек шаҳрига жазо ўташни давом эттириш учун олиб кетилаётганди.
Ёши аввалги топилмалардан анча катта бўлган қадимий Homo erectus (тўғри юрадиган одам) тошга айланиб кетган суяк қолдиқлари индонезиялик археологлар томонидан Ява оролининг марказий қисмидан топилди. Бу ҳақида Jakarta Post газетасининг интернет-версияси хабар қилди.
Саудия Арабистони ҳаж ва умра вазирлиги бутун дунёдан зиёратчилар саёҳатини енгиллаштириш ва уларнинг ҳаж маросимларини ижро этишлари осонроқ бўлишини таъминлаш учун юқори технологияли интеллектуал тизимларни амалиётга жорий қилинмоқда, деб хабар беради Al Arabiya. Гап, энг аввало, хорижий зиёратчилар учун e-track интеграцияланган электрон тизим ҳақида боради, у зиёратчилар учун уй-жой брон қилиш, трансфер ва овқатланиш вақтидан тортиб Қиролликдан ўз ватанларига кайтиб кетгунларига қадар давом этади.
Туркия ҳукумати Хитойнинг Шинжон-Уйғур автоном районига делегация жўнатиш ва уйғур-мусулмонлар ҳаёт шароитларини кўриб чиқиш таклифини қабул қилди. Туркия президенти маъмурияти вакили Фахреттин Алтун хабар беришича, Эрдўған Хитой президенти Си Цзиньпин билан музокаралар вақтида уйғурларга бўлган муносабат масаласини кўтарган, деб хабар қилади Middle Easy Eye.
Саудия Арабистони маданият негизлари валиаҳд шаҳзода Муҳаммад бин Салмоннинг ташаббуслари билан қадамма-қадам эркинлаштирилмоқда, лекинг янгиликлар мусулмон жамоати томонидан доим ҳам ижобий баҳоланмаяпти. Хусусан, шу ой Жиддада маданият фестивали доирасида америкалик пэп услубидаги қўшиқчи Ники Минадж иштирок этади ва бу ҳақида янгилик нафақат қиролликнинг, балки бошқа араб давлатларининг ҳам диний-консерватив аҳолисини шок ҳолатига тушириб қўйди.
Қозоғистон биринчи президент Нурсултон Назарбоевнинг невараси Айсултан Буюк Британияда полициячини тишлаб олди. Бу ҳақида «Московский Комсомолец» хабар беради. Аниқ бўлишича, констебль Росс Сэмбрук ўсмирга ўз жонига суиқасд қилишга халал берган. Полиция кичик Назарбоевни бегона хонадонда ушлаган, тишлаб олиш эса «жуда жиддий» бўлган.
Бирлашган Араб Амирликларида Холид ал-Қосимий – ғарбда машҳур бўлган стилист-дизайнер, таниқли бренд асосчиси ва мамлакат минтақаларидан бири амирининг ўғли дафн этилди. Британия ОАВ хабар беришича, ўимидан олдин у айш-ишрат ва пала-партиш жинсий алоқалар билан жўшқин оқшом ўтказган улфатлари билан бирга гиёҳвандлик воситалари истеъмол қилган.
Кеча, Facebook ва унга тегишли бўлган Instagram ижтимоий тармоғи ишида узилишлар кузатилди. Фойдаланувчилар фотосуратлар юклашнинг имкони бўлмаётганидан шикоят қилишди. Бундан ташқари, ижтимоий тармоқларда Facebook нинг ўзида ҳам расмларни кўриш имконсиз эканлигидан шикоят қилган. Фойдаланувчилар шунингдек, WhatsApp да аудиоёзувлар, расмлар ва тарихдан фойдаланиш имкони йўқлигини хабар қилган.
Американинг Санта-Барбара шаҳрида маҳаллий мусулмонлар масжид қуришни режалаштирган кундн 20 йил ўтгач, ниҳоят биринчи масжид очилади. Саудия Арабистонидан бўлган Афаф ва Мухтар Санта-Барбарада узоқ 2001 йил масжид қуриш режасини ишлаб чиқишганди – лекин 11 сентябрь воқеаларидан сўнг мамлакатда исломга ва мусулмонларга муносабат кескин ёмонлашди ва масжид қурилиши тўхталиб қолди.
БМТ терговчиси Мьянма армияси мамлакатнинг мусулмон минтақалари аҳолисига нисбатан оммавий равишда инсон ҳуқуқлари бузилишини давом эттираётган эканлигидан огоҳлантирди. БМТ нинг Мьянма бўйича махсус маърузачиси Янги Лининг сўзларига қараганда, инсон ҳуқуқларининг қўпол равишда бузилиши Ракхайн штатида ва Чин штатининг айрим қисмларида интернет ва уяли алоқанинг узиб қўйилиши ниқоби остида жиддий кўламга эга бўлди, бунда минтақалардан маҳаллий аҳолидан ташвишли хабарлар келмоқда.
Россия ва АҚШ икки мамлакатнинг сувости кемалари ўртасида жанговар тўқнашув бўлгани туфайли шошилинч маслаҳатлар ўтқазмоқда. Бундай ахборотни Исроилнинг ҳарбий ахборотларга ихтисослашган DEBKAfile портали эълон қилди. Номи ошкор қилинмаган ҳарбий манбаларга ҳавола қилиб, нашрнинг хабар беришича, воқеа Аляска яқинидаги Америка ҳудудий сувларида, АҚШ сувости кемаси Россия атом сувости кемасини тутиб олишни амалга оширганда рўй берди.
Ўзбекистон қуролли кучларининг ҳарбий қудрати икки баробар ўсди, жанговар самарадорлик эса 10-12%га, деб хабар беради «Фергана» нашри 28 июнь куни матбуот анжумани ўтказган Ўзбекистон Республикаси Мудофаа вазирлигига ҳавола қилган ҳолда.