Янгиликлар (5382)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
У сайловчиларнинг 273 та овозини олди. Fox News башоратларига кўра, демократлар партиясидан номзод Пенсильвания ва Невадада ғолиб чиққан.
АҚШ президенти душанба кунидан бошлаб унинг штаби судда ўз позициясини ҳимоя қилишни бошлашини айтди. АҚШнинг амалдаги президенти Дональд Трамп шанба куни, американинг етакчи ОАВ уларнинг фикрига кўра, давлат раҳбари сайловида демократ Джозеф Байден ғолиб чиқиши ҳақида башоратлар тақдим этганидан сўнг ўз мағлубиятини тан олмади.
Россия Президенти Владимир Путин сиёсий чайқовчилик ва ифлос геосиёсий ўйинларда диний муносабатлардан фойдаланиш номақбул эканлигини айтиб, диний асосларда провокацияларни қоралашга чақирди. Бу ҳақида у 4 ноябр, Халқ бирлиги куни диний уюшмалар вакиллари билан учрашувда маълум қилди.
Рус олими, файласуф ва мутафаккир Александр Дугин Францияда ҳижоб учун кураш нафақат Ислом учун, балки насронийлик учун ҳам чуқур аҳамиятга эга деб ҳисоблайди. «Францияда рўмол билан боғлиқ низо (ёки рўмол учун уруш) жуда аниқ ва жуда нозикдир. Чунки бу дунёвийлик диндорликни қандай тан олмаслиги ҳақида баҳсдир», – деди Дугин Максим Шевченко билан суҳбатда.
Хитойда йирик масжид хитойлаштирилди, мусулмонлар ва сайёҳлар учун таниб бўлмас даражага келиб, меъморий кўринишидаги ўзига хос хусусиятларини йўқотди. Бу сафар Нинся-Хуэйского автоном райони пойтахти Инчуан шаҳридаги Нангуан масжиди «хитойлаштириш» жараёнини бошидан кечирди.
Европанинг 30 дан ортиқ мусулмон ташкилоти Франция президенти Эммануэл Макронни нифоқ ва нарат уруғларини сочаётган исламофобик риторикага чек кўйишга чақирдилар. Очиқ хатда бир неча мамлакатдан, жумладан, Нидерландия, Финляндия ва Италиядан келган мусулмон ташкилотлар вакиллари ўқитувчи Самюэл Патининг ўлдирилишидан сўнг Франция Президентини мамлакатни "кучли маънавий етакчилик" билан таъминлай олмаганликда айблади.
Хитойда сўнгги бир неча ой ичида энг йирик коронавирус эпидемияси Шинжондаги фабрикада рўй берди, бу уйғур аҳолисига нисбатан репрессив коммунистик сиёсат ва мажбурий меҳнат билан боғлиқ. Ўтган ҳафта Шинжон жанубидаги Шуфу округида қайд қилинган 180 дан ортиқ Covid-19 ҳолати 2018 йилда «қашшоқликка қарши кураш» - тадқиқотчилар ва ҳуқуқ ҳимоячилари мажбурий меҳнат деб атайдиган кампания доирасида қурилган фабрика билан боғлиқ бўлиши мумкин.
Машҳур саудиялик воиз, кўп миллионли тиражда босиб чиқарилган "Ла таҳзан" китоби муаллифи шайх Оиз ал-Қароний коронавирусга чалиниб, оғир аҳволда шифохонага тушиб қолди. Эркак ўқувчиларига хотинлари билан жанжаллашиб қолганда ўзининг ҳақлигини таъкидламасдан, индамасдан таслим бўлишни маслаҳат берган машҳур мусулмон мутафаккир ар-Риёд давлат касалхонасининг реанимация бўлимида, дея хабар бермоқда IslamNews сайти GulfNews га таяниб.
Францияда теракт қурбонлари сони ошмоқда. Журналистлар «жаҳаннам» ҳақида гапиряпти. Францияда теракт қурбонлари сони ошмоқда, хабар қилади журналистлар воқеа жойидан. ОАВ вакиллари эса, ҳозир Ниццада юз бераётган «жаҳаннам» ҳақида гапирмоқда. «Яна кесилган бошлар» - шундай изоҳлади фожиали вазиятни тележурналист Евгений Попов.
Парижнинг қоқ марказида, Эйфел минорасининг ёнгинасида икки мусулмон аёлга бир неча марта пичоқ уриб кетилди. Бу ўқувчиларга Муҳаммад соллаллоҳу алайҳи васалламга карикатураларни кўрсатган бир география ўқитувчиси бошидан жудо қилинганидан кейин Парижда кўтарилган зиддиятлар шароитида рўй берди.
Франция мусулмонлар ташкилоти раҳбари Муҳаммад соллаллоҳу алайҳи васалламга карикатурлар билан боғлиқ вазиятга ўз муносабатини билдириб, ўлдирилган ўқитувчини қаҳрамон деб атади. Франция мусулмонлар Кенгаши раҳбари Муҳаммад Муссавийнинг сўзларига кўра, мамлакат мусулмонлари «Муҳаммад соллаллоҳу алайҳи васаллам хотирасини таҳқирлаш» саналган Самюэл Патининг ўлдирилишидан «даҳшатда ва чуқур хижолатда».
Франция Ташқи ишлар вазирлиги айрим мусулмон давлатлар француз маҳсулотларига нисбатан эълон қилган бойкотга даъватларни зудлик билан тўхтатишни талаб қилди. Вазирлик бундай ҳаракатларни бефойда деб атади.
РКК Сурия қаноти жангарилари Дейр эз-Зор вилояти аҳолисини ўққа тутди. РКК Сурия қаноти [YPG] жангарилари Франция президенти Эммануэл Макроннинг исламофоб баёнотларига қарши Шарқий Суриянинг Дейр эз-Зор вилоятидаги норозилик намойиши иштирокчиларига қарата ўт очди.