«Дунёда чуқур ўзгаришлар рўй бераётганигини тушуниш керак, – деди президент. – Анъанавий қадриятлар жиддий муаммоларга дуч келяпти. Миллатлараро ва динлараро муносабатларнинг энг мураккаб ва ўта нозик масалалари баъзан сиёсий чайқовчилик, ифлос геосиёсий ўйинлар намунаси бўлиб қолмоқда, экстремистлар ва радикаллар уларда паразитлик қилиб, ўзаро нафрат ва душманликни қўзғатишга ҳаракат қилмоқда».
У динлар ва халқлар ўртасидаги уйғун муносабатлар масаласи Россия учун асосий эканлигини таъкидлади:
«Такрор айтаман, бепоён мамлакатимиз учун миллатлараро ва динлараро тинчлик-осойишталик асосларнинг асосидир. Бу соҳа барча ҳокимият органлари, фуқаролик жамияти ва оммавий ахборот воситаларининг доимий эътиборига муҳтож. Бу ерда иш нозик, сермазун ва машаққатли бўлиши керак. Биз шу тарзда - имкон қадар нозик ва конструктив ҳаракат қилишга интиламиз», – деди Россия етакчиси
«Биз ҳар қандай провокаторларнинг хатти-ҳаракатлари нимага олиб келишини кўряпмиз - сўз эркинлиги ниқоби остида диндорларнинг ҳис-туйғуларини таҳқирлаганлар, зўравонлик ва муросасизликни оқлаш учун бундан баҳона сифатида фойдаланганларни  кўряпмиз. Натижа бу ерда битта - зиддиятлар жамиятда қор кўчкиси каби тўқнашувлар кучаймоқда. Улар йиллаб ва ўн йиллар давомида буруқсиб ётиши мумкин», – деб таъкидлади Владимир Путин.
Путиннинг сўзларига кўра, динга асосланган провокацияларга Россияда ўрин бўлмаслиги керак.
«Биргаликда, биз мамлакатимизда бундай ривожланишини истисно қилиш мумкин бўлган ҳамма нарсани қилишимиз керак», – деди президент.
У "миллатлараро ва динлараро муносабатларни уйғунлаштиришда, экстремизм ва терроризмнинг олдини олишда алоҳида ўрин Россиянинг диний етакчиларига тегишли" деб қўшимча қилди.