Янгиликлар (5338)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Белгия соғлиқни сақлаш вазири Мэгги де Блок COVID-19 тарқалишига қарши кураш йўлида уч ва ундан ортиқ кишининг ёпиқ биноларда жинсий алоқа қилишини тақиқлаб қўйди. «Белгия – бутун дунёнинг бўлмаса ҳам, Европанинг пиво ва секс пойтахти. Биз, миллат сифатида, бу вазиятни тартибга солишимиз керак, – деди де Блок парламентда.
2 февраль куни Мадинада халқаро кўргазма, шунингдек, Пайғамбар Муҳаммад ﷺ ҳаётлари баёни ва ислом тамаддуни Музейининг очилиш маросим бўлиб ўтди. Лойиҳа Жаҳон мусулмонлар лигаси (MWL) томонидан амалга оширилди ва ушбу ташкилот шафелигида бутун дунё бўйлаб очилиши режалаштирилган ислом музейларининг биринчиси ҳисобланади.
Ҳажга бориб Исломнинг бешинчи рукнини бажармоқчи бўлган мусулмонлар ўзларини COVID-19 га қарши эмланишга мажбур бўладилар. Чеченистон муфтийси Салоҳ Межиевнинг айтишича, ҳаж зиёрати арафасида эмланганликни тасдиқловчи ҳужжат мавжудлиги Макка ва Мадинадаги муқаддас қадамжоларни зиёрат қилиш шарти бўлади, дея хабар бермоқда «Грозний-информ».
2022 йил Пекинда қишки Олимпиада ва Параолимпиада ўйинлари бўлиб ўтади. 180 та инсон ҳуқуқлари ташкилотини ўз ичига олган коалиция уйғур мусулмонлари ҳуқуқларининг қўпол бузилиши ва уларга қарши оммавий репрессияларга халқаро ҳамжамият эътиборини қаратиш мақсадида ушбу спорт тадбирларини бойкот қилиш таклифи билан чиқди, дея хабар бермоқда «Лента.ру».
Саудия Арабистони ҳукумати кироллик ҳудудига коронавирус билан, айниқса, унинг янги ва хавфлироқ мутациялари билан боғлиқ ҳолат жиддий бўлган қатор мамлакатлардан киришни тақиқлаб қўйди.
"Спутник V" вакцинасини ишлаб чиқувчилар мусулмонлар жамоасининг препарат ҳалоллиги билан боғлиқ сўровига жавобан, унинг шариат қонунларига тўла мос келишига ишонтириб айтмоқда. Бу ҳақида Россия Федерацияси мусулмонлари диний идораси раҳбари муовини муфтий Илдар Аляутдиновга таяниб, "РИА Новости" хабар бермоқда.
Усмон мусҳафи ― Қуръоннинг энг қадимий қўлёзма нусхаси, антиквар факсимиле кўринишида, Санкт-Петербургдан Чеченистон Республикаси маданият вазирининг биринчи муовини Ойша Қодированинг ташаббуси билан қайта қурилиши режалаштирилган Грознийдаги «Қуръон музейи»га берилади.
Буюк Британияда масжидларидан бири коронавирус пандемияси оқибатида ўз жамоасининг ярмидан маҳрум бўлди. Ланкаширдаги Нельсон шаҳри Гаусия масжиди имоми қори Халид Маҳмуд қандай қилиб хавфли вирус масжид раҳбарияти ходимларининг умрига зомин бўлгани ҳақида гапириб берди.
Франция ҳукумати аудиторларга Меҳнат кодекси моддаларининг бузилгани баҳонаси остида мусулмонларга тегишли корхоналарни ёпиш учун «асос топиш»ни топширди. Бу ҳақида Mediapart нашри хабар қилади. 2020 йилнинг январида ташкил қилинган Франция ИИВ ҳузуридаги сепаратизмга қарши кураш бўйича бўлинма (CLIR) бугунги кунгача мамлакатнинг турли шаҳарларидаги компанияларда 18 мингдан ортиқ текширувлар ўтказди. Ҳозирда мусулмонларга тегишли бўлган 400 дан ортиқ компания ёпилган.
Мьянма ҳарбийлари тонгги рейдлар давомида Аунг Сан Су Чжи ва бошқа мансабдор ҳукумат амалдорларини ҳибсга олгач, мамлакатда фавқулодда ҳолат эълон қилишди ва ҳарбий тўнтариш уюштиришди. Бу ҳукмрон партия ғолиб чиққан ноябрдаги сайловлар натижалари бўйича кесинлик кучайганидан бир неча кун ўтиб рўй берди.
Президент Шавкат Мирзиёев Тошкент шаҳрида қурилаётган Ислом цивилизация марказини кўздан кечиргани хабар қилинган эди. Давлат раҳбари ташриф вақтида бир қатор масалаларга тўхталиб ўтди. Хусусан, Шавкат Мирзиёев юртимизнинг давлатчилик тарихига алоҳида урғу берган.
Франциянинг Марин Ле Пен бошчилигидаги «Миллий бирлашув» партияси мамлакатда ислом мафкурасини тақиқлашни таклиф қилди. Маълум қилинишича, партия томонидан тақдим этилган қонун лойиҳаси кино, матбуот, кутубхоналар ва мактабларда «исломий мафкурани оммавий тарғиб қилиш ва намойиш этиш амалиёти»ни тақиқлашни кўзда тутади.
National Geographic ўзининг Instagram саҳифасида арманлар босқини натижасида вайронага айланган Озарбайжоннинг Ағдам шаҳри фотосуратларини жойлади. «Аҳолиси бир пайтлар 40 минг кишидан иборат бўлган, яқиндагина озод қилинган Озарбайжоннинг Ағдам шаҳри қарийб ўттиз йиллик арманлар босқинидан сўнг вайрона ҳолатида турибди. Фақат асосий масжид бутун қолди, ва бошқа бинолар 1993 йил шаҳар қўлдан бой берилган йилларда бузиб ташланган ёки вайрон қилинган», - дейилади хабарда.