Россия Федерацияси унинг қулашига тўсқинлик қилолмаяпти, тўхтата олмаяпди
Россия рубли АҚШ доллари ва еврога нисбатан пасайишда давом этмоқда. Бу АҚШнинг янги санкциялари фонида антирекордларни янгиламоқда. Сешанба куни доллар курслари биржада 107,75 рублга етди, евро эса 113 рублдан ошиб кетди. 11 ноябрдан, яъни Россия валютасининг заифлашуви бошланган пайтдан буён, доллар 10% га қимматлади. Бу тушиш импорт товарлари нархининг ўсишига олиб келади, бу эса иқтисодиётга янада босим ўтказади.

Сабаблар
Рубльнинг заифлашишига асосий сабаб, таҳлилчиларнинг фикрига кўра, 21 ноябрда АҚШ томонидан жорий қилинган санкциялардир. Газпромбанк, асосий энергетика тўловлари орқали амалга ошадиган банк, шунингдек, кичик банклар, жумладан БКС-Банк ва "Дом.рф", чекловлар қаторига тушди.  

Экономистлар таъкидлашича, Газпромбанкка қарши санкциялар экспортчиларга импортчиларга нисбатан кучлироқ таъсир кўрсатди. Бу чекловлар экспорт компанияларининг тўлов операцияларини мураккаблаштириб, Россияга чет эл валютасининг оқиб келишига тўсқинлик қилмоқда.
Шунингдек, АҚШнинг Россиянинг Молиявий Хабарларни Узатиш Тизими билан ҳамкорлик қилувчи хорижий банкларга нисбатан иккинчи даражали санкцияларни жорий қилиш ҳақидаги огоҳлантируви бозорда хавотирларга сабаб бўлди. Бу Россия бизнесининг халқаро ҳисоб-китоблари учун қўшимча таваккалликлар яратади.

Келажак прогнозлари
Рубль курси бўйича фикрлар турлича. Иқтисодчи Игорь Липсицнинг фикрича, долларнинг навбатдаги муҳим босқичи 120 рубл даражасида бўлиши мумкин. Унинг тахминича, бу 2024 йилда нефть нархларига боғлиқ ҳолда содир бўлиши мумкин. Бошқа таҳлилчилар эса 105 рубл даражасидан ўтиш рублнинг 115 рублгача қулашига олиб келиши мумкинлигини таъкидлашмоқда.

Иқтисодиётга таъсир
Рубльнинг тушиши Россия иқтисодиётига босимни кучайтирмоқда. Импорт товарлари нархлари ортиб, инфляцияни тезлаштирмоқда. Регуляторнинг ҳаракатлари ҳозирча вазиятни барқарорлаштиришга ёрдам бермаяпти, бу Россия ҳукуматини миллий валютанинг барқарорлигини сақлаш учун янги чақириқларга дуч келмоқда.

Абу Муслим