Россиянинг "С-400" ҳаво ҳимоя тизими камида икки ракета отган бўлса-да, улар нишонни ўтказиб юбориб, ҳужумнинг олдини олишга муваффақ бўлмади. Москва "дунёдаги энг яхши" деб таърифлаган "С-400" тизими Украина томонидан Курск-Шарқий аэродромига қаратилган ATACMS ракеталари ҳужумларини тўхтата олмади.
Ҳодиса тафсилотлари
Украинанинг "Киберборошно" GEOINT таҳлилчилари ҳужум ҳақидаги видеоматериалларни эълон қилди. Кадрларда "С-400" тизими ракеталарни учирганини кўриш мумкин, аммо улар баллистик ракеталарни тўхтата олмади. Натижада "С-400" тизими ўзи кассетали курали иккита ракета зарбасига учради. Таҳлилчилар "С-400" позициясига қилинган зарбанинг геолокациясини аниқлашган. Ушбу видеолар яқин кунларда интернетда тарқалиши кутилмоқда.
"Киберборошно"нинг маълумотларига кўра, ҳужум пайтида Курск-Шарқий аэродромига ва унинг атрофига ATACMS M39 кассетали курали ракета туридан камида бештаси отилган. Бу ҳужум Россиянинг ПВО тизимларининг замонавий ғарб баллистик ракеталари олдидаги заифлигини яна бир бор кўрсатди.
Урушдаги эскалация
Украинанинг иттифоқчилари томонидан етказиб берилган узоқ масофали қуролларнинг самарадорлиги ошганини кўрсатадиган ушбу ҳодиса Россия ҳудудига қилинган тўртинчи ва ATACMS ракеталари билан учинчи ҳужумдир.
Илгари қилинган ҳужумлар
- 19 ноябрь 2024: ATACMS ракеталари Брянск вилоятидаги Карачев шаҳридаги арсенални йўқ қилди.
- 21 ноябрь 2024: Буюк Британиянинг Storm Shadow ракеталари Марьино яқинидаги қўмондонлик пунктини йўқ қилди.
- 23–24 ноябрь 2024: Генштаб С-400 тизими Большое Жировода йўқ қилинганини маълум қилди.
"С-400" тизимининг йўқ қилиниши
Генштаб маълумотларига кўра, Большое Жировода йўқ қилинган "С-400" тизими таркибига қуйидагилар киради:
- 92Н6Е радиолокация станцияси;
- Иккита ўзини ўзи бошқарувчи пуск мосламалари.
Агар бу маълумотлар тасдиқланса, бу Курск вилоятида бир ҳафта ичида "С-400" тизимининг иккинчи марта йўқ қилиниши бўлади. Бу билан Украина қуролли кучлари Россия ҳаво ҳимоя тизимларига жиддий зарба беришда давом этмоқда.
Абу Муслим
