"Шу йилнинг бошида мутлақо махфий операция давомида Қозоғистон контрразведкаси советлар даврида қурилган уйда қуршов уюштирди ва ҳукуматнинг юқори мансабдаги амалдорини Хитой фойдасига айғоқчиликда айблов билан қўлга олди, - хабар беради Wall Street Journal. – Ойлар ўтгач ҳукумат ғайриодатий бир иш қилди. Улар бу ҳақидаги ахборотнинг маҳаллий ОАВга келиб тушишига имкон бердилар, бу эса Марказий Осиёнинг энг катта ва бой мамлакатида Пекиннинг ўсиб бораётган таъсирига жавоб реакцияси ҳисобланади".

"Аккумулятор бизга максимал эркинликни таъминлаши кўзда тутилган. Лекин аслида биз қувватлантирувчи кабелга худди киндик каби боғлиқмиз", - деб ёзади Германиянинг Süddeutsche Zeitung нашри саҳифаларида Виолетта Симон. "Замонавий одам эркин бўлишни жуда истайди. Шу сабабли у эркин (озод) бўлади: унга, масалан, чим ўриш, чангютгич билан тозалаш, пиёда юриш ёки фикрлаш юзага келтирадиган кескиликдан. У чим ўргич, робот-чангютгич, электросамокат ёки исталган ахборот топиш ва сақлаш мумкин бўлган смартфон сотиб олади", - дейди мақола муаллифи.

Ювал Ной Харари фикрига кўра, ахборот технологиялари ва биотехнология хавфли иттифоқ ташкил қилади. Исроиллик профессор ва муваффақиятли ёзувчи, асримиз бошининг буюк мутафаккирларидан бири, Le Temps га берган интервьюда ахборотга эгалик қиладиган ва уни манипуляция қиладиган давлатлар ва компанияларни фош қилади.

Араб шарқида усталарниг айтишича, ҳақиқий санъат маҳорат ва донишмандлик ўртасидаги никоҳ натижасида вужудга келади. Қуръон одамлар ва жониворларни тасвирлашга рухсат бермайди, айнан шу сабабли ислом санъати инсонга кўриш орқали қабул қилинадиган ўзининг бадиий қонунларини яратган.

Саудия Арабистонида энди фарз намози вақтида дўконларни ёпиш талаб қилинмаяпти. Ҳукумат буни айрим корхоналар сутасига 24 соат очиқ бўлишига рухсат берилиши билан изоҳлади. Қиролликнинг давлат агентлиги сешанба куни эълон қилинган бу қадам магазинлар ва ресторанларга маълум миқдорда тўланадиган пул эвазига бутун кун давомида очиқ бўлишга имкони беришини айтди.

АҚШ рохинжа мусулмон озчилигига қарши этник тозалашлардаги роли туфайли Мянма армияси юқори мансабдорларига нисбатан санкциялар ҳақида маълум қилди. АҚШ давлат департаменти Мянма армияси бош қўмондони Мин Аунг Хлаинг ва бошқа юқори мансабли офицерларга уларнинг икки йил олдин рўй берган ва 740 мингдан ортиқ рохинжа Бангладеш чегараси орқали қочишга мажбур бўлган зўравонликларга алоқадорлиги тўғридан-тўғри исбот-далиллари асосида санкциялар киритди.

Эндиликда туристлар Дубайда ихтисослашган магазинларда спиртли ичимликлар сотиб олиши мумкин, бунинг учун улардан паспортини кўрсатиш талаб қилинади, холос, дея хабар беради БАА оммавий ахборот воситалари. Аввалроқ туристлар спиртли ичимликларни фақат меҳмонхона, бар ва ресторанларда сотиб олиши мумкин бўлган.

Квебекда инсон ҳуқуқлари бўйича комиссия Канаданинг ушбу провинцияси ҳуқуқ-тартибот органларидан мусулмон аёлларни таҳқирлашга йўл қўймаслик учун текширув ва тинтув баённомаларига тузатиш киритишни талаб қилди. Аиша Эссалам билан руй берган воқеа комиссия томонидан берилган аризага сабаб бўлди.

Россияда ишлаб чиқилган, одамни сунъий равишда қаритишга қодир бўлган FaceApp фото-дастури АҚШ миллий хавфсизлигига ва фойдаланувчиларнинг шахсий маълумотларига таҳдид солиши мумкин. Демократларнинг Сенатдаги етакчиси Чак Шумер деб ҳисоблайди.

Украина Конституцион суди коммунизм ва нацизмни тарғиб қилишни тақиқлайдиган қонуннинг конституцияга зид эмаслигини тасдиқлайдиган қарорини эълон қилди. Суд баёнотида айтилишича, коммунистик ва нацизм режимлари бир-бирига тенг.

Ўзбекистон мусулмонлари идораси раиси, муфтий, шайх Усмонхон Темурхон Самарқандий (Алимов) ҳазратлари томонидан ёзилган “Тафсири Ирфон” номли Қуръони карим оятларининг ўзбекча таржима ва тафсири тўлиқ 30 жузи энг сифатли шаклда 6 китоб қилиб нашр этилди.

Ҳуқуқ ҳимоячилари Туркманистондаги вазият борасида бонг уришмоқда = Ташқи сиёсат маркази экспертларининг фикрига  кўра, табиий газга бой бўлган мамлакат ҳалокат ёқасига келиб қолган. «Чегарасиз журналистлар» фикрига кўра, Туркманистон – ташқи дунёдан ёпиқлик ва изоляция бўйича дунёда фақат Шимолий Кореядан кейинги ўринда турадиган мамлакат ҳисобланади. Лекин бу мамлакатга чет эл инвестициялари жалб қилишга халал бергани йўқ.