Янгиликлар (5379)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Америкалик муслима аёл Ислом нуқтаи назаридан эр-хотининг жинсий ҳаёти ҳақида китоб чоп этди ва ўқувчилардан келган – ҳам миннатдорчилик билдирилган, ҳам норозилик оҳангидаги хабар ҳақиқий бўрони остида қолди.
Имом Шомилнинг машҳур сафдоши, Лев Толстойнинг шу номдаги қиссаси орқали номи кенг шуҳрат қозонган Ҳожимуроднинг бош суягини Доғистонга қайтариш масаласи кўриб чиқилмоқда. Бу ҳақида бошқа бир Толстой – Россия президентининг маслаҳатчиси Владимир Толстой Россия Давлат Думасининг "Справедливая Россия" фракцияси етакчиси Сергей Мироновга ёзган мактубида маълум қилди.
Саудия Арабистонида яқин кунларда қироллик тарихида илк мусиқа институти очилади. Маҳаллий ОАВ ёзишича, таълим муассасаси скрипка бўйича дарслар ўтишга ихтисослашади. Бундан ташқари, бу ерда профессионал ижрочилар учун ҳам, талабалар учун ҳам очиқ бўладиган ўзининг овоз ёзиш студияси ишлайди.
Эрон парламенти қошидаги тадқиқотлар маркази мамлакатда фоҳишаликнинг тарқалиши муаммосига бағишланган маърузани эълон қилди. Ҳужжатда қайд этилишича, охирги йилларда фоҳишалик билан шуғулланаётган шахсларнинг ёши анча ёшарган. Агар 1970-йилларда енгил табиатли аёлларнинг ўртача ёши 30 ёшни ташкил қилган бўлса, ҳозирда 15 яшар қизлар «тунги капалаклар»га айланмоқда.
Дунёнинг ривожланган мамлакатларида мигрантлар олға қараб ривожланиш учун зарур бўлган аҳоли сонини қўллаб-қувватлашга ёрдам берадиган ягона омил ҳисобланади. Буни Европанинг энг йирик иқтисодиёти – Германия иқтисодиёти мисолида кўриш мумкин бўлиб, ОАВ хабарларига кўра, бу мамлакат мигрантлардан энг кўп азият чекмоқда. 2018 йил мамлакат аҳоли сони 83 миллион кишига етди – бу Берлин девори қулатилган кундан бошлаб қайд этилган мутлақ рекорд кўрсаткичдир.
АҚШ президенти Дональд Трамп жойнамозни терроризм билан боғлаб, навбатдаги марта исламофобик мазмундаги низолари эътибор марказига тушиб қолди. Трамп Twitter ижтимоий тармоғида мамлакатнинг жанубий чегаралари орқали АҚШга «кўплаб мамлакатлардан шундай одамлар кириб келяптики, тез орада улар бизни ҳайратда қолдиради» деб ёзди, бунда у Washington Examiner нашрида чоп этилган бир фермернинг Мексика билан чегара яқинида жойнамозлар топиб олгани ҳақида сўзларида иқтибос келтирган, хабар қилади IslamNews.
Эрон президенти Ҳасан Рухоний мамлакатда интернетга уланишнинг чекланишини ҳақидаги қарорни танқид қилиб чиқди. «Кўплаб ижтимоий тармоқлар ва сайтларга уланишни чегаралаб, биз хатога йўл қўйдик. Биз Аллоҳдан ваколатлар олганмиз ва ердаги одамлар ҳақида фармойишлар чиқара олишимиз мумкин деб ўйлаймиз», - деди Рухоний Эрон Алоқа ва ахборот технологиялари вазири Муҳаммад Жавод Азерий Жехромий ва маҳкама ходимлари билан Теҳронда бўлиб ўтган учрашувда.
Саудия Арабистонидан Мадина шаҳридаги Пайғамбар масжидида хизмат қилган машҳур имомнинг озодликдан маҳрум қилиш жойларида вафот этганлиги ҳақида хабарлар келмоқда. Шайх Аҳмад Ал-Амарий, Мадина университети Қуръон коллежининг собиқ раҳбари, ўтган якшанба куни – қамоққа олинганидан 5 ой ўтиб вафот этди, хабар беради Al Jazeera.
Чоршанба куни Исроил телевидениеси маълум қилдики, АҚШ президенти Дональд Трампнинг Яқин Шарқдаги тинчлик режаси пойтахти Шарқий Қуддус бўлган ноқонуний босиб олинган Ғарбий соҳилнинг 90 фоизида Фаластин давлати ташкил қилиш, фақат муқаддас жойларсиз ҳисобланади.
Туланинг «Арсенал» клуби футболчилари исломда ҳаром саналган чўчқа гўштидан тайёрланган таомлардан клуб таомномаси доирасида ҳеч қачон истеъмол қилмайдилар. Бу ҳақида «Арсенал» бош врачи Александр Резепов «Чемпионат» билан суҳбатда гапириб берди.
Индонезияда ҳукумат фуқароларнинг ижтимоий мавқеи ва фаолият туридан қатъи назар, уларнинг маънавий эҳтиёжлари ҳақида қайғурмоқда. Яқинда Ғарбий Явада Бантар Гебанг ахлатхона ҳудудида тантанали равишда масжид очилди, хабар беради The Jakarta Post.
Қирғизистонда "Иммунизация: давлат ва диний ташкилотларнинг ўзаро алоқалари" мавзусида давра столи бўлиб ўтди. Унда соғлиқни сақлаш вазирлиги, дин ишлари бўйича давлат комиссияси, мамлакат мусулмонлар диний бошқармаси вакиллари ва экспертлар иштирок этдилар.
АҚШда ҳуқуқ ҳимоячилари ўн йилдан ортиқ вақт мусулмонларга қарши ташкилотда ишлаган шахснинг давлат хавфсизлиги бўйича давлат маслаҳатчиси ўринбосари лавозимига тайинланганига кескин норозилик билдирдилар. АҚШ Президенти Дональд Трамп Чарльз Купперманни давлат хавфсизлиги бўйича давлат маслаҳатчиси бўлган Жон Болтоннинг моувини этиб тайинлади.