Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Туркияда Марказий сайлов комиссияси март ойида бўлиб ўтган Истанбул мэри лавозимига сайловлар якунини бекор қилди, деб хабар беради "Анадолу" агентлиги. 11 нафар МСК аъзоларидан 7 киши сайлов натижаларини бекор қилиш ва такрорий сайлов ўтказиш учун, тўрт киши эса қарши овоз берди. Қарор Истанбул шаҳрида сайловлар давомида жиддий қодабузарликлар ҳақида шикоят қилган Адолат ва тараққиёт партиясининг мурожаати асосида қабул қилинди.
Миср «мусулмон биродарлар» нинг етти аъзосини, шу жумладан таниқли тадбиркорни «миллий иқтисодиётга зарар етказганлик» ва «террорчи» гуруҳларни молиялаштириш айблови билан умрбод қамоқ жазосига ҳукм қилди. Сешанба куни давлат хавфсизлиги олий фавқулодда Суди шунингдек, учта бошқа айбланувчини 10 йил қамоқ жазосига ҳукм қилди ва 14 кишини оқлади.
Ойлар султони Рамазони шариф ташрифига саноқли кунлар қолди. Фазилатларга тўла мазкур ойнинг кечалари Қуръон карим хатми ила янада мунаввар бўлади. Бу йил ҳам Аллоҳ насиб этса юртимиз жоме масжидларида Қуръони карим хатм қилинади. Пойтахтимиз Тошкент шаҳрида ҳам бу йили 107 масжидда хатми Қуръон қилинади. Қуйида масжидларда хатми Қуръон ўқиб берувчи қорилар билан танишишингиз мумкин:
Ўзбекистон мусулмонлари идораси ташаббуси билан 2019 йилги муборак Рамазон ойида мўмин-мусулмонларнинг телефон орқали йўлланган рўза тутиш билан боғлиқ барча шаръий масалаларига уламоларнинг туну кун жавоб бериш тизими жорий этилди.
Британиялик архитектор Париждаги Нотр-Дам соборининг шпилини 1961 йилдаги Жазоир урушига қарши намойишлар пайтида француз полицияси томонидан ўлдирилган тахминан 100 нафар жазоирлик хотирасига бағишланган «ёдгорлик сифатида» «нафис бир минора» билан алмаштириш таклифи учун кучли танқид остида қолди, деб хабар беради pluralist.com.
Татаристон мухтасибатларида болалар ўртасида намоз кўриклари давом этмоқда. Хусусан, ўтган дам олиш кунлари Чистополда 50 га яқин ўғил ва қиз болалар намозни билиш борасида куч синашдилар. Эслатиб ўтамизки, барча мухтасибатларда намоз ўқиш бўйича мусобақалар уч номинацияда бўлиб ўтди:
Британия шаҳзодаси Уилям Крайстерч масжидида рўй берган теракт оқибатида оғир жароҳат олган ва ҳамон маҳаллий касалхонада бўлган мусулмон қизалоқдан ҳол-аҳвол сўрагани келди. Кембридж герцоги 15 март куни ан-Нур масжидида террорчидан иккита ўқ еган 4 яшар Ален Алсатийни касалхона палатасида кўриб кетди, деб хабар беради Otago Daily Times сайти.
Ўтган шанба АҚШда, Сан-Диегодаги Повей шаҳарчасида жойлашган синагогада террорчи шахс тўпланган одамларга қарата ҳарбийлар милтиғидан ўқ узди. Натижада бир аёл ҳалок бўлди ва уч киши, жумладан, 57 яшар раввин ярадор бўлди. У кўрсаткич бармоғидан айрилди. 34 яшар эркак ва унинг қизи шрапнелдан яраланди. Қиз оёғи ва юзидан жароҳат олди.
Татаристон президенти Рустам Миннихановдан республика ҳудудида Рамазон ойида спиртли ичимликлар сотишни тақиқлаш ҳақида илтимос қилинди. Мос келувчи очиқ мактубни Татаристон оқсоқоллар шўроси, татарлар ижтимоий маркази ва «Муслима» мусулмон аёллар ташкилоти йўллади.
Франция президенти Эммануэл Макрон пайшанба куни унинг фикрига кўра, таҳдид солаётган ва республикадан «ажралиб чиқиш»га интиладиган «сиёсий ислом»га қарши туриш учун тайёрлигини маълум қилди. Макрон Елисей саройида бўлиб ўтган матбуот анжуманида уч ойлик миллий баҳслашувлардан сўнг "сариқ нимчалар" норозилик намойишларига сиёсий жавобни эълон қилиш учун баёнот билан чиқди.
Мисрда конституцияга ўзгаришлар киритиш ҳақида референдум бўлиб ўтди, унда ҳозирги президентнинг ўз лавозимида 2030 йилга қадар қолишига имкон бериш кўзда тутилган. Миср сайлов комиссияси сўзларига қараганда, фуқароларнинг аксарияти бу тузатишни киритишга овоз берган.
Ўн мингга яқин ҳарбий жума намози вақтида Шри-Ланкадаги масжидлар ва бошқа диний пунктларни қўриқлади, деб хабар беради Reuters. Агентликнинг маълумотларига кўра, ҳукумат янги терактлардан хавфсирамоқда. Аввалроқ республиканинг мусулмон диний ишлар Вазири Абдул Ҳалим Муҳаммад Хошим жума намозини масжидда эмас, уйда ўқишга чақирганди.
АҚШнинг Калифорния штати полицияси 23 апрел куни бир ҳайдовчининг пиёдалар устига ўз автомобилида бостриб боргани сабабларини маълум қилди. Америка оммавий ахборот воситаларининг хабар беришича, 34 ёшли Исайя Джоэл Пиплс пиёдаларни мусулмонлар деб ўйлаб, уларнинг устига машинасини ҳайдаб юборган. Ҳодиса Санта-Клара округининг Саннивейл шаҳрида содир бўлган.