Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Махачқалъада Чеченистон раҳбари Рамзан Қодировнинг имом Шомил ҳақидаги сўзларидан кейин рухсат этилмаган норозилик акцияси бўлиб ўтди, деб хабар беради РИА Новости. Республика ИИВ Махачқалъа майдонида норозилик билдирганлар сонини тахминан 30 киши деб баҳолади, улар полиция вакили билан суҳбатдан кейин тарқалишга рози бўлдилар.
Қирғизистон собиқ президенти Алмазбек Атамбаев 26 августга қадар Миллий хавфсизлик давлат қўмитаси тергов изоляторига (СИЗО) жойлаштирилди, хабар қилди РИА Новости агентлигига унинг адвокати Сергей Слесарев. Унинг сўзларига кўра, собиқ давлат раҳбарига жиноятчи атворитет Азиз Батукаевни ноқонуний озод қилиш бўйича дастлабки айбловларни илгари сурди.
Жаҳон ҳамжамиятининг ўртача 13 фоиз бадбахт одами ўзини атеист деб ҳисоблайди. Ўзини атеист деб ҳисоблайдиган шахсларнинг энг кўпи Хитойда яшайди – 47%. Мисол учун, Саудия Арабистонида ҳам 5% атеистлар бор, гарчи бу ерда атеизм тақиқланган бўлса-да.
Қимор ўйинларига муккасидан кетган ҳинд қиморда ютқазиб қўйганидан кейин ғолибларга ўз хотинини зўрлашга қўйиб берди. Бу ҳақида NDTV телеканали хабар қилди. Воқеа Ҳиндистон шимолидаги Уттар-Прадеш штати Джаунпур шаҳрида рўй берди. Бу ҳақида 2 август куни маълум бўлганди, бунга The Sun таблоиди эътибор қаратди.
Марокаш қироли Муҳаммад VI ўзининг тахтга ўтирганлиги 20 йиллик юбилейини минглаб маҳбусларни, жумладан, 2016 йил мамлакатни ларзага солган «Хирак» норозилик ҳаракатидан бўлган айрим мухолифатчиларни авф этди. Ўтган пайшанба куни расмий баёнотда 4764 киши, жумладан, Риф шимолий минтақада бир неча ой давомида норозиликлар давомида қўлга олинган бир неча кишининг авф этилгани ҳақида маълум қилинди.
Доғистонлик журналист Абдулмўмин Гаджиевга Россия Федерацияси Тергов қўмитаси терроризмни молиялаштиришни ташкил қилишда айблов қўйди. Айблов матни унинг қўлига тушиб қолган «Кавказ.Реалии» нашрининг хабар қилишича, айбловнинг моҳияти шундан иборатки, Гаджиев 2011 йил терроризмни молиялаштиришни ташкил қилишда гумон қилиниб, қидирувда бўлган Исроил Ахмеднабиевдан (Абу Умар Саситлин) интервью олган.
Reuters ахборот агентлигининг хабар беришича, Пекин мэрияси исломий дўконлар ва умумий овқатланиш муассасалари араб тилидаги ёзувлар ва диний рамзийликдан фойдаланишни тақиқлаган. Агентлик маълумотларига кўра, исломий кафеларга шунингдек, «ҳалол» сўзини кўрсатиш мумкин эмас.
Ҳиндистон парламенти кеча мусулмонлар томонидан никоҳни бир томонлама бекор қилишни жазога тортиладиган жиноятга айлантирадиган қонун лойиҳасини якуний маъқуллади. Мамлакат олий суди никоҳни бекор қилишнинг бундай тури мусулмон аёлларнинг конституцион ҳуқуқларини бузиши ҳақида баёнот берганидан сўнг икки йил ўтгач, Ҳиндистон парламентининг юқори палатаси сешанба куни «уч талоқ»ни жиноятга айлантирадиган биллни маъқуллади.
Дунёнинг турли динлари вакиллари келажакдаги миқдорий нисбати ҳақида янги тадқиқот муаллифлари шундай хулосага келдиларки, 2030 йилга келиб, дунёдаги ёш аҳолининг, яъни 15 ёшдан 29 ёшгача бўлганларнинг учдан бир қисми мусулмон бўлади (инша Аллоҳ).
Грозний телевидениеси бўйича йиғлаётган ўсмир намойиш этилди. У ҳукумат ҳақида танқидий шарҳлар ёзганди. 16 ёшлик Магомед Ахматов кўзларида ёш билан узр сўраган сюжет 46 дақиқа давом этди. Ўсмир Европада ва Сурияда яшаётганларнинг гап-сўзларига ишониб, аслида бўлмаган нарсалар ҳақида ёзганди.
Саудия Арабистонида якшанба куни суд машҳур мусулмон даъватчиси ва мутафаккир Салмон Авда иши бўйича суд жараёнини декабргача кечиктириш ҳақида қарор қабул қилди, унга қўйилган айблов моддалари бўйича ўлим жазоси берилиши мумкин.
Давлат айбловчи томони 62 яшар шайх Авдага «ҳукмдорга қарши иғво ва нифоқ солганлик» учун энг олий жазога ҳукм қилишни сўрамоқда. Май ойида унинг жиноий иши бўйича махфий тинглов бўлиб ўтганди.
"Энг яхши ҳимоя бу – ҳужум эканлиги яхши маълум. Доналд Трамп ушбу тамойилни ҳаётда қўллаб келади в абуни яна бир бор исботлади: (...) АҚШ президенти муҳожирлар ҳуқуқларини ҳимоя қилиш билан фаол шуғулланувчи, демократлар партиясидан тўрт нафар конгресс аъзоларига таҳқирловчи ва ксенофобия руҳидаги твитлар қолдирди", - дейилади Le Monde мақоласида.
Ингушетия ташқи алоқалар, миллий сиёсат, матбуот ва ахборот вазирлиги ўз сайтида Ҳажга боришда ўзи билан олиш керак бўлган нарсалар рўйхатини эълон қилди. Зиёратчилар ноқулайликларга дуч келмасликлари, вақт ва пулни тежашлари учун вазирлик ошхона анжомлари – пиёла, қошиқ, ликопча (иложи бўлса, ҳаммаси синмайдиган материалллардан), ахлат пакетлари, кичкина пичоқча олишни тавсия қилади. Бундан ташқари, консерва учун очқич ҳам олишингиз мумкин.