Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Бу йил Татаристонда 18 та янги масжид очилди, хабар қилади Татристон республикаси Мусулмонлар диний бошқармаси матбуот хизмати. Масалан, Актаниш, Апастов, Арск, Бавлин, Буинск, Мамадиш, Муслюмов, Нурлат, Сабинск, Спасск, Балтасин туманлари мухтасибатида, шунингдек, Қозон шаҳри Совет туманида янги масжид очилди. Улар қаторидан 29 декабрда очиладиган Агриз туман Назяр қишлоғи масжиди ҳам ўрин олган.
Bek Air авиакомпаниясига тегишли Fokker-100 самолети Алмати яқинида ҳолакатга учрашининг эҳтимолий сабаблари қаторида тергов техник носозлик, учувчилар хатоси ва ноқулай об-ҳаво шароитлари айтилмоқда. Бу ҳақида шанба куни, 28 декабрда Қозоғистон ИИВ матбуот хизмати хабар қилди.
Малайзия ҳукумати Хитойнинг шимолий-шарқий қисмида жойлашган Шинжон минтақасида инсон ҳуқуқлари бузилиш ҳолатларини ўрганиш учун халқаро институт ташкил қилди.
АҚШ геология хизмати Эрон жанубида 5 баллдан юқори магнитудали зилзила қайд қилди. Ушбу хизмат берган маълумотларга кўра, зилзила маркази Эроннинг атом электр станцияси жойлашган Бушер шаҳридан 53 км ғарбда ва 38 км чуқурликда экан. ОАВда эълон қилинган экспертлар баҳоларига кўра, зилзила мўътадил деб баҳоланган бўлсада, маълум бир вайроналарга олиб келиши мумкин.
2019 йил АҚШда 40 та оммавий қотиллик содир этилди, бу охирги 50 йил ичидаги рекорд кўрсаткич ҳисобланади. USA Today нашри келтирган маълумотларга кўра, ўтган йили АҚШда 41 та оммавий қотиллик содир этилган бўлиб, бунда тўрт юздан ортиқ одам қурбон бўлди. 33 ҳолатда жиноятчилар ўқотар қуролдан фойдаланган. Бу йил АҚШда оммави қотилликлар қурбонлари умуми сони 210 кишини ташкил қилди.
Ироқ президенти Бархам Салех парламентга истеъфо сўраб баёнот берди. бу ҳақида пайшанба куни Al Arabiya телеканали хабар қилди. Президент вакиллар Кенгаши (парламент) спикерига мурожаатда ўз қарорини ҳозирги иқтисодий шароитларда унга юклатилган мажбуриятларни бажара олмаслиги билан изоҳлади. Бундан ташқари, у янги ҳукумат шакллантир ишни парламент блокидан илгари сурилган Асад ал-Иданийга топширишдан бош тортди.
Спиртли ичимликлар бозори тадқиқотлар марказининг ҳисоб-китобларига кўра, байрам кунлари россияликлар бир миллиард шишадан ортиқ спиртли ичимлик ичар экан. Янги йилни мамлакат 100 миллион шиша шампан виноси билан қарши олади.
Қирғизистон Мусулмонлари диний бошқармаси мамлакатда Янги йилни байрам қилиш мумкинлигига доир фатво эълон қилди. Бу ҳақда "Elgezit" нашри хабар берди. Унда диний уламолар Қирғизистон қонунларида белгилаб қўйилган расмий байрамларга қарши ташвиқот олиб бормаслиги таъкидланди. Буйруқнинг бажарилиши муфтият тизимида ишловчи барча диний уламолар зиммасига юклатилди.
Калифорниядаги аҳоли пунктларидан бирининг мусулмон аҳолиси 13 йил давомида масжид қуриш ва қабристон очиш ҳуқуқи учун курашдилар ва ниҳоят, мақсадларига эришдилар. Калифорниянинг Санта-Клара округида жойлашган Сан-Мартин шаҳарчаси мусулмонлари ўзлари учун ибодатхона барпо этиш йўлида шу қадар сабр-тоқатли муносабат ва тиришқоқли ёндашув намойиш этдилар.
Қозонда Жоме масжиди қуриладиган жой яқин кунларда жамоатчиликка маълум қилинади ва муҳокамага қўйилади. Бу ҳақида Татаристон пойтахти мэри Ильсур Метшин хабар қилди. «Ҳозир архитектура жамоаси Татаристон мусулмонлари диний Бошқармаси билан биргаликда бир нечта майдонни кўриб чиқмоқда. Улар ўзларининг якуний фикрини шакллантиргач, жамоатилик муҳокамасига қўйилади. Ўйлайманки, яқин вақтларда таклиф шакллантириади», — деди шаҳар ҳокими.
Делегатлар Салах Межиев номзодини бир овоздан қўллаб-қувватладилар. Чеченистон Республикаси мусулмонлар диний Бошқармасининг ҳисобот-сайлов тадбири бўлиб ўтди. Унда Чеченистон Республикаси раҳбари Рамзан Қодиров, парламент раиси Магомед Даудов ва бош вазир Муслим Хучиев, шунингдек республиканинг имомлари иштирок этишди.
Грузия мусулмонлар идорасида бўлиниш юз берди. Янги муфтий этиб Адам Шантадзе сайлангач, тўрт нафар диний идора ходимлари – муфтий маслаҳатчиси Темур Горгадзе, матбуот хизмати раҳбари Отар Надирадзе, нашриёт раҳбари Гела Гогитидзе, таълим бўлими бошлиғи Резо Микеладзе норозилик билан идорани тарк этдилар. Бу ҳақида «Кавказ.Реалии» нашри хабар қилади.
Тожикистон президенти Эмомали Раҳмон мамлакатда масжидлар қураётган фуқароларга мактаб ва касалхоналар қуришга эътибор қаратишни маслаҳат берди, хабар қилади «Фергана». «Охирги йилларда мамлакатда ҳашар усули билан беш мингдан ортиқ масжид қурилди. Ким учун? Катта авлод учун. Давлатдан ҳеч ким ёрдам сўрамади, ўзлари қуришди. Энди эса ўсиб келаётган авлод ҳақида ўйлаш, мактаблар, тиббиёт марказлари қуриш вақти келди ва бунга ҳамма ўз ҳиссасини қўшиши керак», – деди Рахмон 26 декабрь куни, парламентга мурожаат билан чиқишида.