Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Келиб чиқиши гонконглик бўлган Голливуд актери Джеки Чан коронавирус юқтириб олганликда гумон қилиниб, касалхонага тушган бўлиши мумкин. Ўтган дам олиш кунлари 65 яшар жанг санъати вакили Гонконгда яна 60 киши таклиф қилинган зиёфатга ташриф буюрганди. Уларнинг айримлари SARS-CoV-2 вирусини юқтириб олган экан.
Эрон соғлиқни сақлаш вазирлиги мамлакатда коронавирус оқибатидаги ўлим ҳолатлари оммавий характерга эга бўлгани ҳақида миш-мишларни рад этди. Аввалроқ ижтимоий тармоқларда Эрон ислом республикаси ҳукумати Қум шаҳрида COVID-19 оқибатдан ўлганлар сонини яшираётгани ва уларнинг сони 50 дан ортиб кетгани ҳақида хабарлар пайдо бўлганди.
Ҳиндистонлик вазир унинг мамлакати 1947 йил мамлакатни иккига бўлиш вақтида барча мусулмонлари Покистонга жўнатиб юбора олмаганининг ҳақини тўлаши ҳақида гапирди. Ҳиндистон бош вазири Наренда Модининг ашаддий тарафдорларидан бўлган Гирирадж Сингх бу қадам мамлакатни кўплаб кулфатлардан сақлаб қолган бўларди деди.
Германияда Маркт майдонида теракт қурбонлари бўйича жаноза ўқилди. 24 февраль. Бугун Германиянинг Ханау шаҳрида 19 февралда бўлиб ўтган терактнинг 9 та қурбонидан учтаси билан видолашув маросими бўлиб ўтди. Маросимга мингдан ортиқ киши келди.
Малайзия бош вазири Махатхир Муҳаммад душанба куни ўз истеъфоси ҳақида маълум қилди ва янги ҳукумат шакллантириш учун йўл очиб берди. Махатхир атиги икки сатрдан иборат баёнотида у Куала-Лумпур вақти билан соат 13:00 да (Гринвич бўйича 05:00) мамлакат қиролига ўз истеъфоси ҳақида эълон қилганини айтди.
Туркия янги турдаги коронавирус (Kovid-19) тарқалишига қарши курашда Хитойга ёрдам кўрсатяпти. Туркия соғлиқни сақлаш вазирлиги Хитойга тиббиёт ходимлари учун 2000 та ҳимоя комбинезонлари ва 2000 та фильтрли ниқоб тақдим этди. Бу ёрдам Хитойнинг Анқарадаги элчихонасига топширилди.
Ўткан кунлари Туркия парламентидаги ўзининг ҳукмрон партияси фракциясининг йиғилишида сўзга чиққан Ражаб Тоййиб Эрдўғон Суриянинг Идлибидаги вазият билан боғлиқ янги қатъий баёнотлар берди. Туркия президенти бу борада Россия билан сўнгги кунлардаги музокаралар муваффақиятсиз якунланганини ва шу сабабли уни куч билан ҳал қилишга тайёрланаётганини билдирди.
Баҳрайн суди ўтган ой АҚШ президенти Доналд Трампнинг Фаластин "тинчлик режаси"га қарши намойиши пайтида Исроил байроғини ёққани учун бир кишини уч йилга озодликдан маҳрум қилди. "Ёнаётган байроқлар транспорт ва аҳоли саломатлигига хавф туғдиради", - дейилади Баҳрайн суди қарорида.
Франция ички ишлар вазири Кристоф Кастанер кун тартибида ҳақида шарҳлар бўйича France Inter билан суҳбатлашди. Кастанернинг сўзларига кўра, чет элдан келган имомлар 2024 йилдан бошлаб Францияга кира олмайди. "Чет эллик имомлар Францияга 2024 йилдан бери кира олмайди", деди Кастанер, Туркия, Марокаш ва Жазоир бу борада хабардор бўлганлигини таъкидлаб, бундан ташқари, Кастанер бу йил Рамазон ойида Францияга келадиган имомлар сони камайишини таъкидлади.
Эронда коронавируснинг янги тури туфайли икки киши вафот этди. Бу ҳақда Твиттерда Эрон Соғлиқни сақлаш вазирлигининг жамоатчилик билан алоқалар бўйича масъул ходими Киянуш Жиханпур маълум қилди. Қум шаҳрида касалхонага нафас қисилиши ҳақида шикоят қилган ва янги турдаги коронавирус ташхиси қўйилган икки киши касалхонада вафот этди.
Германиянинг Франкфурт яқинидаги Ханау шаҳрида куролланган жиноятчи иккита чилимхонага ҳужум қилиб, тўққиз кишини ўлдирди. Полициянинг хабар қилишича, қотилликда гумон қилинаётган шахс пайшанба куни тонгда ўз уйида ўлик ҳолда топилган. Bild газетаси хабарларига кўра, жиноятчининг исми Тобиас Р. Бўлиб, у ўзининг ўльтра-ўнг қарашларини ифода этган хато ва видео қолдирган.
Американининг Юта штати иккала тарафнинг розиилигига асосланган кўп хотинлиликнинг жиноятлар қаторидан чиқарилишига яқин. Ахборот агентлигининг хабар беришича, штат қонунчилик мажлиси сенати қонун лойиҳасини дастлабки маъқуллашдан ўтказди. Унга кўра, фақат иккала тарафнинг розилиги билан қўлланадиган кўп хотинлилик Ютада жазоланадиган жиноят бўлмайди ва ҳуқуқбузарликлар қаторига ўтади.
АҚШ ҳарбий ҳаво кучлари раҳбарияти дресс-код қоидаларини янгилади. Мамлакат қуролли кучлари сафида хизмат қилиш истагида бўлган сикхлар ва мусулмонларга диний кийим-бош атрибутларига рухсат этилди. NEWS.ru маълум қилишича, салла ва ҳижоб ўраш шарти озода кўриниш ва консервативлик ҳисобланади.