Янгиликлар (5376)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Агар Россия ва АҚШ ўртасидаги қарама-каршилик ҳарбий ҳаракатларгача етиб борадиган бўлса, Россия дастлабки уч соат ичида йўқ қилиб ташланиши мумкин. Хитойлик экспертлар шундай ҳисоблайди, деб хабар қилади China.com. Уларнинг сўзларига кўра, Россия ракета, сувости ва ҳаво-космос қўшинларида қайта тиклаш ишларини олиб бормоқда, лекин бунда жуда ҳам кам янги қуроллар ишлаб чиқиляпти.
АҚШ ҲҲК маълумотларига кўра, Афғонистонда америка қуролли кучлари бу йил рекорд миқдорда бомбалар ташлади, бундай кўрсаткич сўнгги 10 йил давомида умуман қайд этилмаганди. Америкаликлар 2019 йил Афғонистонда жойлашган нишонларга қарата жами 7 423 та бомба ташлади ва шу тариқа 2018 йил қайд этилган 7 362 та бомбадан ҳам юқори кўрсаткични кайд этди, дейилади АҚШ ҲҲК Марказий қўмондонлиги (AFCENT) томонидан душанба куни эълон қилинган хабарда.
АҚШ Давлат котиби Майк Помпео Хитой Коммунистик партиясини замонамизга асосий таҳдид деб атади. Унинг сўзларини пайшанба куни, 30 январда, Reuters агентлиги келтирди. «Гарчи биз аввалгидек терроризмга қарши ҳаддан ташқари хушёрликни сақлашимиз лозим бўлсада... Хитой Коммунистик партияси замонамиз учун асосий таҳдидни ифодалайди», - деди америкалик амалдор Буюк Британия ТИВ раҳбари Доминик Рааб билан Лондонда бўлиб ўтган қўшма матбуот анжуманида.
Тожикистонда йириклик бўйича иккинчи ўринда турадиган шаҳар ҳокимияти йирик ва маҳаллий аҳоли орасида оммавий бўлган масжидни кинотеатрга айлантиришга қарор қилди. Сўғд вилояти Хўжанд шаҳридаги Нури Ислом масжидининг кўркам замонавий биноси бутун мамлакат бўйлаб сўнгги 3 йил ичида «ҳужжатларнинг нотўғри расмийлаштирилиши» баҳонаси остида тугатилган 2000 та Аллоҳнинг уйи қаторига кирди.
Қозоғистон шошилинч равишда 3,8 млн дона тиббий ниқоблар сотиб олди. Бу ҳақида KazTAG мамлакат бош снаитария врачи Жандарбек Бекшиннинг сўзларига таяниб хабар берди, маълум қилади «Фергана». Харид қилинган ниқоблардан 2,5 миллионтаси – оддий, 1,3 миллионтаси – респиратор ниқоблар.
Хитойда коронавирус эпидемияси Пекиннинг атеизм сиёсати учун, жумладан, насронийлар ҳуқуқларини бузганлик учун Парвардигорнинг жазосидан бошқа нарса эмас, деди америкалик телебошловчи Рик Уайлз (Rick Wiles) насронийлар учун TruNews кўрсатуви эфирида, хабар беради Right Wing Watch. Унинг фикрига кўра, касаллик «илоҳий табиат»га эга ва Хитойга худосизлик сиёсати ва насронийларни таъқиб қилганик учун жазо сифатида юборилди».
Хитой лагерларига жойлаштирилган бўлишдан ҳам ёмонроқ нарса бўлиши мумкинми? Ўлимга олиб келадиган вирусли эпидемия хавф авжига олган лагерда бўлиш. Ухандаги коронавирус Хитойга тарқалиши билан бир миллиондан ортиқ мусулмонлар "сиёсий қайта ўқитиш" лагерларида бўлган Шарқий Туркистон вилоятида ҳам касалликка чалинганлар аниқланди.
Тожикистонда 113 киши «Биродар-мусулмонлар» ташкилотига алоқадорликда шубҳа билан ҳибсга олинди. Бу ҳақида 28 январь куни журналистлар билан учрашувда бош прокурор Юсуф Рахмон маълум қилди, дея хабар беради «Авеста». Рахмоннинг таъкидлашича, қўлга олинганлар орасида турли касб вакиллари бор.
Москва мемориал масжидининг имоми Шамил Аляутдинов "ҳозирги молиявий аҳволини ўзгартирмоқчи бўлганлар учун" машғулотларни эълон қилди. Бу ҳақда диний раҳбарнинг веб-сайтида хабар берилди. Хабарга кўра, курс олтита вебинардан иборат бўлиб, унда имом одамларга пул ишлаш учун психологик ёрдам бериш ва уларни инвестиция киритишга ўргатишни ваъда қилади.
Москва патриархиясига тегишли вино маҳсулотлари ишлаб чиқарувчи «Мезыбь» корхонаси Роспатент ташкилотига «Усадьба Мезыбь» ва «Старая дорога на Джанхот» товар белгиларини рўйхатдан ўтказиш учун ариза берди. кўрсатилган фаолият турлари орасида казино ташкил қилиш ҳам бор, хабар беради ZNAK.
Душанба куни Судан суди 29 нафар собиқ махсус хизмат ходимларини йил бошида Умар ал-Башар режимига қарши намойишлар вақтида ҳибсда бўлган ўқитувчини ўлдирганлиги учун ўлим жазосига ҳукм қилинди. Судья Садок Абдулраҳмоннинг сўзларига кўра, судланувчилар Аҳмад ал-Хейрни шафқатсизларча таҳқирлашда айбдор деб топилган ва осиб ўлдиишга ҳукм қилинган.
Саудия Арабистонида ишлайдиган ҳинд ҳамшираси Хитойда юзлаб одамлар чалинган атипик пневмонияга ўхшаш вирусга ижобий натиа берди. ОАВ хабар қилишича, ҳамшира ижобий натижага эга бўлган филиппинлик ҳамкасбига қараш вақтида вирусни юқтириб олган бўлиши мумкин. Лекин шундай бўлсада, ар-Риёд ҳам, Деҳли ҳам ўз мамлакатларида бу вирус ҳолати ҳақида ҳеч қандай хабар бермади.
Дональд Трамп маъмурияти диний кўрсатмаларга риоя қиладиган мактаб ўқувчилари дуч келаётган қийиниликларга эътибор қаратмоқда. Ўқувчиларнинг диний дунёқарашини ифодалаш ҳуқуқлари камситилган ҳолатларда давлат мактаблари федерал молиялаштириш рўйхатларидан чиқариб ташланиши мумкин.