Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Душанда, 16 декабрь куни Қозоғистоннинг бир қатор шаҳарларида, митинглар ўтказилиши мумкин бўлган куни ўнлаб фаоллар ҳибсга олинди, хабар қилади «Фергана». Хусусан, полиция Олмаотада Қозоғистон мустақиллик кунига бағишланган, рухсат берилмаган акциянинг 10 га яқин қатнашчисини қўлга олди.
Туркия президенти Ражаб Тойиб Эрдўған АҚШ сенати XX аср бошларида усмонийлар империясида арманлар геноциди тан олинган ҳолатда Анқаранинг Қўшма Штатларга қарши жавоб чоралари ҳақида огоҳлантирди. A Haber телеканали эфирида сўзга чиққан турк давлати раҳбари бунга жавобан Туркия парламенти Америка тарихида энг шармандали саҳифалардан бўлган Американи мустамлакалаштириш даврида маҳаллий аҳоли бўлган ҳиндулар геноциди ҳақида резолюция қабул қилиш ҳуқуқига эга эканлигини айтди.
Хитой ҳукумати фақат мусулмон аҳолисини таъқиб қилиш билан чекланиб қолмасдан, энди насронийлар озчилигига ҳам қарши курашмоқда - мамлакатнинг баъзи вилоятларидан коммунистик режим насронийлик динининг муқаддас рамзлари таҳқирлангани тўғрисида ташвишли хабарлар келмоқда.
Ҳиндистон бўйлаб мусулмон озчиликлар ҳуқуқларини камситадиган ва бошқа диний озчиликларига имтиёзли ҳолат берадиган фуқаролик ҳақида шармандали қонунга қарши халқ норозиликлари тўлқини бўлиб ўтди. Якшанба куни Деҳлида бўлиб ўтган ёшлар аршидан кейин полиция Джамиа Миллиа Исламиа университетига бостириб кирди ва 100 дан ортиқ талабани ҳибсга олди, бунда талабаларга қарши куч ишлатилди ва кўздан ёш оқизадиган газ қўлланди, хабар қилади The Guardian.
Патриарх Кирилл Доғистон муфтийси Аҳмад Абдуллаевни «шон-шараф» ордени билан тақдирлаш ҳақида фармонни имзолади, деб хабар қилади "Интерфакс". Тақдирлаш учун муфтийнинг 60 ёшга тўлиши ва республика муфтиятининг 25 йиллиги бўлди. Шу тариқа РПЧ Доғистон мусулмонлар диний бошқармаси раҳбарининг хизматларини юқори баҳолади.
Хитой давлат телекомпанияси келиб чиқиши турк бўлган машҳур футболчи Месут Ўзилнинг мусулмон уйғур аҳолига нисбатан Пекиннинг сиёсатини қоралаб чиққанидан сўнг «Арсенал» ва «Манчестер-Сити» клублари ўртасида бўлиб ўтадиган Англия премьер-лигаси матчини телекўрсатувлар дастуридан олиб ташлади.
АҚШ Сенати жума куни 1915 йил шарқий Анатолияда рўй берган воқеаларни «арманлар геноциди» деб тан оладиган резолюцияни қабул қилди. Эслатиб ўтамизки, Туркия бу қарашларни рад қилмоқда. Ушбу ҳаракат оетябрь ойида Вакиллар палатаси шунга ўхшаш резолюцияни маъқуллаганидан кейин пайдо бўлди. Кейин Анқара АҚШ-Туркия муносабатларига путур етиши ҳақида огоҳлантирди.
Нигерда жангарилар ҳарбий лагерга ҳужум қилиб, 70 га яқин аскарни ўлдирди, кўпчилик яраланди. Бу ҳақда «Анадолу» нашри хабар берди. Хабар қилинишича, воқеа Мали билан чегара яқинида бўлган. Террористлар лагерни эгаллаб олишга ва тун бўйи унинг ҳудудини назорат қилишга муваффақ бўлишган.
Amnesty International халқаро ҳуқуқни ҳимоя қилиш ташкилоти Қозоғистон ҳукуматини октябрь ойида икки давлат чегарасидан ноқонуний ўтган ва Қозоғистонда бошпана сўраган икки нафар этник қозоқ, Кастер Мусаханули ва Мурагер Алимулини Хитойга топширмасликка чақирди. Бу ҳақида баёнот Amnesty сайтида жойлаштирилди.
Покистон собиқ президенти Первез Мушарраф давлатга хиёнатда айбланиб, ўлим жазосига ҳукм қилинди. ТАСС хабар қилишича, собиқ президентга нисбатан айбловлар у 2007 йил конституция амал қилишини тўхтатиб қўйиши ва фавқулодда ҳолат жорий қилиши билан боғлиқ. Унинг ўзи айбини тан олмади ва иш сиёсий тусга эга деб маълум қилди.
Англиянинг «Арсенал» клуби ярим ҳимоячиси Месут Ўзил, келиб чиқиши турк бўлган мусулмон, Хитойнниг Шинжон-Уйғур автоном районида туркий тилда сўзлашадиган мусулмонлар билан рўй бераётган воқеаларга ўз муносабатини билдириб ўтди.
Сребреницадаги геноцид ҳақиқатини инкор этадиган ва сербиялик "қассоб" Слободан Милошевичнинг мухлиси сифатида танилган австриялик ёзувчи Питер Хандкега адабиёт бўйича Нобел мукофоти берилишига салбий муносабат тобора кучайиб бормоқда. Хусусан, Туркия президенти Ражаб Тойиб Эрдўған «мусулмонларнинг қонини тўккан бир разилни қўллаб-қувватлаган кишининг мукофотланиши»ни катта жанжал ва шармандалик деб атади.
Ўзбекистон кичик зиёрат учун хорижга рейслар сонини оширди. Бу ҳақида республиканинг мусулмонлар Бошқармаси матбуот хизмати хабар берди. Саудия Арабистони ҳукумати Ўзбекистонлик 14 нафар зиёратчини депортация қилди. Яқинда Саудия Арабистонига 490 кишидан иборат зиёратчилар гуруҳи йўл олди – бу одатий кўрсаткичдан икки баравар кўпдир.