Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
АҚШ давлат котиби Майк Помпео Эрон сиёсатчиларининг АҚШда коронавирусни биологик қурол сифатида яратган деган айблови нотўғри эканлигини айтди. "Мен Эронда Ухандаги вирус манбасига тааллуқли дезинформация кампаниясига эътибор қаратмоқчиман. Эрон ҳукумати ёрдамни қабул қилиш ўрнига, Эрон халқининг эҳтиёжларига эътибор беришнинг ўрнига, бир неча ҳафтадан бери Эрон ҳукумати вирус ҳақида ёлғон гапирмоқда.
COVID-19 коронавируси тарқалишига қарши кураш мақсадида Кувайт масжидларида жума намози ва жамоавий намозлар ўқилиши вақтинчалик тўхтатилди. Бу ҳақида Khaleej Times мамлакат ҳукумати га ҳавола қилган ҳолда маълум қилди. 13 март жума куни, Кувайт вақф ва исломий ишлар вазирлиги Twitter да мос келувчи баёнот билан чиқди.
Дубайда рвс юқтириб олган беморларни даволаш учун ресурсларни озод қилиш мақсадида барча режадаги ва шошилинч бўлмаган жарроҳлик операциялари бекор қилинди. Дубай соғлиқни сақлаш бошқармаси маълум қилишича, давлат касалхоналари ва хусусий касалхоналарда камида март ойининг охиригача режадаги ва шошилинч бўлмаган жарроҳлик операциялари амалга оширилмайди.
АҚШда коронавирус билан касалланганлар сони беш мингдан ошиб кетди, дейди Жонс Хопкинс университети федерал ва маҳаллий маълумотларга асосланиб. Унга кўра, 5068 ҳолат тасдиқланган, 85 киши вафот этган.
Эронда коронавирус қурбонлари сони ортиб бормоқда. Эронда бир кунда коронавирусдан 129 киши вафот этди. Бу эпидемия бошлангандан бери Ислом республикаси учун рекорддир. Хозирги кунда Эронда вирус қурбонлари умумий сони 853 кишини ташкил этади.
Ливанда COVID-19 коронавирусининг тарқалиши туфайли фавқулодда ҳолат эълон қилинди. Бу ҳақида шошилинч йиғилиш якунлари бўйича қабул қилинган Мамлакат хавфсизлик олий кенгаши баёнотида айтилади. "Умумий сафарбарлик барча қоидалар ва махсус буйруқларга мувофиқ эълон қилинди ... Фавқулодда эпидемиологик вазиятда ҳаракат қилиш учун жавобгар бўлган барча давлат идоралари ва хизматларидан кўрсатмаларни бажариш талаб қилинади", - дейилади ҳужжатда.
Баҳрайнда янги турдаги коронавируснинг биринчи қурбони қайд этилди. Амирликнинг Соғлиқни сақлаш вазирлиги Твиттер-даги микроблогида хабар беришича, Баҳрайннинг "бошқа касалликлари мавжуд ва соғлиғи ёмон бўлган" 65 ёшли фуқароси коронавирус инфекциясидан вафот этган.
Туркияда коронавирус юқтириб олганлар сони 18 кишига етди. Бу ҳақда Президент маъмуриятининг алоқалар бўлими бошлиғи Фахреттин Алтунга таяниб, маҳаллий ОАВ хабар бермоқда. Аввалроқ, бу мамлакатнинг олтита касал бўлган фуқаролари ҳақида гапирилиб, уларнинг тўрттаси Европадан келган ва Туркияда COVID-19 аниқланган биринчи бемор билан мулоқотда бўлган.
Марокашда кеча, 16 мартдан бошлаб барча мусулмон масжидлари ёпилди. Коронавирус тарқалишини тўхтатиш мақсадида бу қарор қиролликнинг энг юқори илмий кенгаши томонидан қабул қилинди. Масжидларни ёпиш бўйича тавсиялар, қайд этилганидек, Марокаш қироли Муҳаммад VI томонидан берилган.
Коронавирус инфекцияси авж олиши Саудия Арабистони ҳукуматини муқаддас жойларга ташриф буюрадиган зиёратчилар хавфсизлигини таъминлаш бўйича шошилинч чоралар кўришга мажбур қилди. Хусусан, ердаги энг муқаддас бино – Каъба ўраб олинди. Айни пайтда диндорлар кўпроқ тегинадиган жойларни тозалаш ва дезинфекция қилиш бўйича чора-тадбирлар амалга ошириляпти.
Ҳиндистонда расман коронавирусга чалинганлар сони 115 кшини ташкил этди, деб хабар берди 16 март куни The Hindu. Касаллик юқтириш билан боғлиқ икки ҳолат Махараштра штатида, яна иккита ҳолат Керал штатида ва битта ҳолат Ражастхани штати, Карнатака штати, Телинган штати ва Уттаракханд штатида қайд тилган. Биринчи касаллик юқтириш ҳолати Орисса штатиба қайд этилди.
Саудия Арабистонида ваколатларни суиистеъмол қилиш ва жиноий йўллар билан топлиган пулларни қонунийлаштиришда айблаб 298 киши ҳибсга олинди, хабар қилди душанба куни қироллик коррупцияга карши қўмитаси - «Назаха». Қўлга олинган 219 амалдор орасида 8 киши Мудофаа вазирлиги, 29 киши ИИВ, 21 киши Соғлиқни сақлаш вазирлиги ходимлари ва икки нафар судья бор.
Исроилда, Қуддус марказида коронавирус тарқалишининг олдини олиш бўйича чора-тадбирлар доирасида иккита масжид ёпилди, хабар қилади Al Arabiya шаҳар мусулмонлар жамоати вакилларига ҳавола қилган ҳолда. Маълумки, ал-Ақсо масжиди ҳам ёпилган. Ундан ташкари, яқин жойда жойлашган Қоя гумбази масжиди ҳам ёпилди.