Ливияда сув тошқини: қутқарувчилар Дернадан 2000 та одамнинг жасадини топди
Чоршанба ҳолатига кўра, қутқарувчилар сув тошқини тўғонларни бузиб, турар-жой маҳаллаларини ювиб кетган Ливия шаҳри вайроналари орасида 2000 дан ортиқ жасадларни топдилар. Расмийлар тартибсизликлар ва бепарволиклар туфайли заифлашиб кетган бу мамлакатда ўлим сони 5000 дан ошиб кетиши мумкинлигидан хавотирда.
«Даниэль» деб ном берилган Ўрта ер денгизи бўрони шарқнинг кўплаб шаҳарларда ҳалокатли тошқинларга сабаб бўлди, аммо Дерна энг кўп азоб чекди. Якшанба куни кечқурун бўрон қирғоққа урилганда, Дерна аҳолиси баланд овозда янграган портлашларни эшитдилар - бу шаҳар ташқарисидаги тўғонларни қулаганди. Тўфон сувлари тоғлардан шаҳар орқали денгизга оқиб ўтадиган Вади Дерна дарёсини ювиб юборди.
Чоршанба куни эрталабга келиб, 2 мингдан ортиқ жасадлар тўпланганди ва уларнинг ярмидан кўпи Дерна шаҳридаги оммавий қабрларга дафн этилди, деди Шарқий Ливия Соғлиқни сақлаш вазири Усмон Абдулжалил. Қутқарув гуруҳлари кечаю кундуз кўчаларда ва шаҳар вайроналари остида тарқалган бошқа кўплаб жасадларни топиш учун ишладилар. Баъзи жасадлар денгиздан чиқариб олинди.
Одамни ҳайратда қолдирадиган ҳалокат нафақат бўроннинг кучини, балки Ливиянинг заифлигини ҳам кўрсатади. Мамлакат рақиб ҳукуматлар томонидан бўлиб олинган, бири Шарқда, иккинчиси Ғарбда ва натижада кўплаб соҳаларда инфратузилмага эътибор қаратилмай қўйди.
Сув тошқинлари Дернага кўплаб кириш йўлларини бузди ёки вайрон қилди, уйлари бузилиб кетган ёки шикастланган ўн минглаб одамлар учун халқаро қутқарув гуруҳлари ва инсонпарварлик ёрдамининг келишига тўсқинлик қилди.
Маҳаллий фавқулодда хизмат ходимлари, жумладан, ҳарбийлар, давлат хизматчилари, кўнгиллилар ва маҳаллий аҳоли ҳалок бўлганларни қидириш учун вайроналарни қазишда давом этди. Улар, шунингдек, сув ва бориш қийин бўлган жойлардан жасадларни олиш учун резина қайиқ ва вертолётлардан фойдаланганлар.
Булдозерлар охирги икки кундан бери қидирув-қутқарув ишлари учун зудлик билан зарур бўлган гуманитар ёрдам ва оғир техникаларни етказиб бериш учун йўлларни таъмирлаш ва тозалаш ишларини олиб бормоқда. Шаҳар сешанба куни халқаро ёрдам етиб кела бошлаган Бенғозидан 250 километр шарқда жойлашган.
Давлат ахборот агентлиги маълумотларига кўра, сешанба куни Шарқий Ливия ички ишлар вазирлиги вакили Муҳаммад Абу-Лаймуша Дернада ҳалок бўлганлар сони 5300 кишидан ошди, деб айтди. Унинг сўзларига кўра, Ливия шарқидаги бошқа шаҳарларда ўнлаб одамлар ҳалок бўлган.
Ҳокимият юзлаб жасадларни яқин шаҳарлардаги ўликхоналарга олиб борди. Дернадан 150 км шарқда жойлашган Тобрук шаҳрида тиббиёт маркази ўликхонаси Дерна сув тошқини натижасида 300 дан кўпроқ одамлар жасадини қабул қилди; Associated Press томонидан олинган маълумотларга кўра, улар орасида 84 нафар мисрликлар бор эди.
Ливиядаги Халқаро Қизил Хоч Ва Қизил Ярим Ой жамиятлари федерацияси вакили Тамир Рамазоннинг сўзларига кўра, шаҳарда ҳали ҳам камида 10 минг киши бедарак йўқолган саналади.