Макка Канадада ҳижоб кийган биринчи янгиликлари мухбири бўлганидан сўнг, 2015 йил январида тарихга кирди.
Гинелла Панамада туғилган ва у бир ёшга тўлганда оиласи Канадага кўчиб кетган. Балоғатга етиб, онгли фикрлайдиган ёшда, қиз католиклар динидан Исломга ўтди.
У ҳижоб кийган ҳолда ҳам профессионал муваффақиятга эришиш мумкин эканлигини ўз мисолида исботлаб, кўплаб мусулмон хотин-қизлар учун ўрнак бўлди.
«Ота-онам доим мен мақсадларимга эриша олишимга ишонишган. Ҳижоб туфайли мени телевизорга олишмайди деб қўрқардим, лекин онам ҳар доим имконсиз нарса йўқлигини айтарди. Ота-оналар менга ўзимдан ҳам кўпроқ ишонишган деб ўйлайман», –  давом эттирди.
Канада иш жойида плюрализм сиёсатига амал қилиш, мавжуд муаммолар, нотўғри қарашлар ва тенгсизликларни йўқ қилишга рт қилаётган мамлакатлардан бири саналади.
Ўнлаб йиллар давомида Канададаги миллий ва диний хилма-хиллик мамлакат сиёсатининг асосини ташкил этди. Ҳукумат фуқароларнинг миллий ўзига хослиги, ижтимоий ҳимояси ва иқтисодий эркинлиги муаммоларини ҳал қилишга ҳаракат қилди.
Канада мусулмонлари мамлакат аҳолисининг 3,2%ини ташкил қилиб, диний гуруҳлар сони  бўйича насронийлардан кейин иккинчи ўринни эгаллайди ва мамлакат аҳолисининг энг тез ўсаётган сегментларидан ҳисобланади.