Россия нефт компаниялари Кремлни Европа бозорларини йўқотишдан қутқариб турган Осиёда хом ашёни сотишга уринишларида тобора кўпроқ қийинчиликларга дуч келмоқдалар. Россия нефтини Ҳиндистон ва Хитойга етказиб бериш кетма-кет тўртинчи ҳафтада пасаймоқда ва урушнинг максимал қийматларига нисбатан 30 фоизга камайди. Бу ҳақида Россиянинг иқтисодий нашри Finanz ёзмоқда.
"Россия нефтчиларининг «шарқий экспресси»да муаммолар юзага келяпти: Ҳиндистон ва Хитойга етказиб бериш 30% га камайди", - дейди журналистлар.
Хитой талаби май ойида кунига 1,21 млн баррелдан 0,78 млн баррелгача қисқарди (уруш бошланганидан бери энг паст кўрсаткич); Ҳиндистон талаби - кунига 0,92 млн баррелдан 0,68 млн баррелгача (апрел ойининг бошидан бери энг паст кўрсаткич).
Шу билан бирга, Қора денгиз портлари орқали экспорт билан боғлиқ муаммолар бошланди: ёз бошида кунига 0,35 млн баррелдан кўпроқ сотиб олган Болгария ва Руминия ўтган ҳафтада атиги 0,229 млн баррел (-34%) сотиб олди.
Bloomberg маълумотларига кўра, Россия нефти экспорти умуман пасайди, бироқ, агентлик журналистлари томонидан олинган статистика ҳар бир мамлакат учун таъминотни камайтириш даражасини аниқлашга имкон беради.