Эрон Ислом Республикаси дунёнинг энг яхши сайёҳлик марказлари ўнлигига киради. Бу ҳақида Эрон Маданий мерос, туризм ва ҳунармандчилик ташкилоти раҳбари Али Асгар гапириб берди. У мамлакат ғарбий қисмидаги диққатга сазовор жойларни кўрсатиб ўтди ва деди: "Мамлакатнинг ғарбий қисми ноёб табиий ва тарихий имкониятларга эга бўлиб, бу минтақаларда туризмни ривожлантириш учун самарали қадамлар қўйилган, чунки мамлакатнинг ғарбий вилоятлари жуда юқори туристик салоҳиятга эга. Бу бандликни таъминлаши ва мос равишда иқтисодиётни рағбатлантириши мумкин".

Эрон ва АҚШ ўртасидаги кескинлик энг юқори нуқтага чиқди. Бу ҳақида Эрон ислом республикаси президенти Хасан Роухани парламент мажлисида айтди, дея хабар беради IRIB давлат телекомпанияси. «Эрон ва Америка ўртасидаги кескинлик ҳозирги пайтда энг юқори нуқтага чиққан. Америка бизга қарши бор кучини сарфламоқда», - деди Роухани.

Бугунги кунда бутун дунёнинг назари Эронга қаратилган. Унинг ҳукмдорлари нима қилмоқчи? Яқин Шарқда уруш бошлаб юборадиларми? Теҳрон анчадан бери ядровий қуролга эгалик қилишни орзу қилади. Қирқ йил олдин нафақат Эроннинг ўзини, балки бутун дунё тарихини ўзгартирган инқилоб бошланган эди.

Бугунги кунда Яқин Шарқ ва ислом дунёсига ихтисослашган кўплаб ОАВ ва шарҳловчилар муҳим бир сана ҳақида ёдга олиб ўтмоқдалар. Бундан ропп-роса 40 йил олдин, 1979 йил 1 февраль куни, совуқ ва туманли тонгда Париждан ижарага олинган «Эйр Франс» рейси Теҳрон марказидан узоқ бўлмаган Меҳробод халқаро аэропортида қўнди. Унинг бортида XX асрда Эрон тарихида энг муҳим роль ўйнаган шахс - Руҳулло Ҳумайний бор эди.

Facebook ва Twitter компаниялари ўз ижтимоий тармоқларидан Эрон ҳукумати манфаатларини илгари суриш бўйича яширин кампания олиб борган аккаунтларни ўчириб ташлади. Facebook киберхавфсизлик масалалари бўйича раҳбари Натаниэл Глейчернинг хабар беришича, умумий ҳисобда бир қатор мамлакатларда Эрон манфаатларини илгари суриш учун ташкил қилинган 780 дан ортиқ аккаунт, саҳифа гуруҳ блок қилинди.

Эрон парламенти қошидаги тадқиқотлар маркази мамлакатда фоҳишаликнинг тарқалиши муаммосига бағишланган маърузани эълон қилди. Ҳужжатда қайд этилишича, охирги йилларда фоҳишалик билан шуғулланаётган шахсларнинг ёши анча ёшарган. Агар 1970-йилларда енгил табиатли аёлларнинг ўртача ёши 30 ёшни ташкил қилган бўлса, ҳозирда 15 яшар қизлар «тунги капалаклар»га айланмоқда.

Эрон президенти Ҳасан Рухоний мамлакатда интернетга уланишнинг чекланишини ҳақидаги қарорни танқид қилиб чиқди. «Кўплаб ижтимоий тармоқлар ва сайтларга уланишни чегаралаб, биз хатога йўл қўйдик. Биз Аллоҳдан ваколатлар олганмиз ва ердаги одамлар ҳақида фармойишлар чиқара олишимиз мумкин деб ўйлаймиз», - деди Рухоний Эрон Алоқа ва ахборот технологиялари вазири Муҳаммад Жавод Азерий Жехромий ва маҳкама ходимлари билан Теҳронда бўлиб ўтган учрашувда.

АҚШ Миллий хавфсизлик кенгаши (МХК) 2018 йил Пентагонга Эрон ҳудудида ҳарбий операция ўтказиш имкониятини кўриб чиқиш илтимоси билан мурожаат қилди, деб ёзади The Wall Street Journal ўз манбаларига ишора қилган ҳолда. МХК Бағдоддаги АҚШ элчихонаси жойлашган ҳудуд миномет орқали ўққа тутилгандан кейин Мудофаа вазирлигига сўров юборди.

Россия ва Эрон Каспий денгизида қўшма ҳарбий-денгиз ўқув машғулотларига тайёрланмоқда, деб хабар беради Mehr агентлиги Эрон ҳарбий денгиз флоти контр-адмирали Хуссайн Ханзадийнинг сўзларига ҳавола қилган ҳолда. Маневрлар давомида ҳарбийлар тактик ҳаракатларни амалга оширади, турли офатлардан зарар кўрганларга ёрдам бериш ва қароқчиларга қаршилик кўрсатиш бўйича машқларни бажаради.

АҚШ давлат котиби Майк Помпео Яқин Шарқ мамлакатлари бўйлаб ўз хизмат сафарини Вашингтоннинг Эронга қарши глобал коалиция тузиш бўйича ҳаракатлари бир қисми деб атади, дея хабар беради CNBC телеканали. Унинг сўзларига кўра, Эронга қарши коалицияга АҚШ ва Исроилдан ташқари, Эрон давлатини «ўз фаолиятини тўхтатиши лозим бўлган терроризмнинг дунёдаги энг катта ҳомийси» деб ҳисоблайдиган Европа, Осиё ва Форс кўрфази мамлакатлари ҳам киради.