Қуръони каримнинг «Фажр» сураси, 6-14 оятларида мазкур шаҳарнинг таърифи келтирилади:
«Раббингиз Од қабиласини нима қилди, кўрмадингизми?! (Улар) баланд устунли Ирам (шаҳридан) бўлиб, бошқа юртларда унинг ўхшаши яратилмаган. Водийда харсанг тошларни кесган Самуд қабиласини, қозиқлар (эҳромлар ва қасрлар) эгаси бўлмиш Фиръавнни (қандай ҳалокатга дучор этилганиничи)? Улар юртларида ҳадларидан ошиб, у жойларда бузғунчиликни кўпайтириб юборган эдилар. Бас, Раббингиз уларнинг устига турли азоб ёғдирди. Албатта, Раббингиз барча нарсани кузатиб турувчидир». (Фажр», 6-14)
«Мўъжамул булдон» китобининг 1-жилд, 155-бетида шундай дейилади: «Уламолардан баъзилари Ирамни Искандария, баъзилар Дамашқ, баъзилар эса Яманда Ҳазрамавт билан Санъо оралиғидаги шаҳар, деганлар».

Раҳматуллоҳ қори Обидовнинг
"Пайғамбарлар тарихи исломият тариҳидир" китобидан