Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Малайзияда интернет тармоғида исломни ҳақорат қилганликда суд томонидан айбдор деб топилган мамлакат фуқароси 10 йил қамоқ жазосига ҳукм қилинди. Маҳаллий ОАВ ёзишича, айбланувчи ҳар бири йирик жарима ёки озодликдан маҳрум этиш жазоси кўзда тутилган барча моддалар бўйича ўзини айбдор деб тан олган.
Қўшма Штатларда сенаторлар Доналд Трамп томонидан Саудия Арабистонидаги элчи лавозимига тайинланган элчининг тахт вориси қизғин фаолияти ва журналист Жамол Хашукджининг тақдири борасидаги позициясига қаршилик билдирдилир. АҚШ Сенатининг хорижий ишлар бўйича қўмита раиси Жим Рич ар-Риёд билан қалин иттифоқчилик алоқаларига қарамай, қиролликдаги сиёсатга нисбатан объектив муносабатда бўлиш лозимлиги ҳақида огоҳлантиради, хабар беради Al Jazeera.
АҚШ Эрон ўзгариши ҳамда 1979 йилги ислом инқилобидан аввал қандай бўлган бўлса, шу ҳолатга қайтиши лозим деб ҳисоблайди. Бу ҳақида Эрон президенти Хасан Рухани баёнот берди. Унинг сўзларига қараганда, Теҳрон ва Вашингтоннинг кўплаб масалалар бўйича позициялари кескин фарқ қилади, бу эса муроса имкониятини нолга яқинлаштиради.
М. В. Ломоносов номидаги МДУда 28 февраль куни очилган Илмий-таълим илоҳиёт уюшмаси Форуми давомида маъулм бўлдики, илоҳиёт нафақат диний, балки дунёвий олий таълим муассасаларида ҳам фан сифатида ўқитилар экан. Бу ҳақида МК нашри хабар қилди. Режалаштирилдики, талабаларнинг илоҳийлик ҳақида фанни ўрганиши ўз дин ва мазҳаблари лицензиясига эга бўлиши шарт бўлган руҳоний шахслар раҳбарлиги остида ўтказилиши лозим.
БМТ маълумотларига кўра, бугунги кунда Яман аҳолисининг 80%и ёки 24 млн киши инсонпарварлик ёрдамига муҳтожлик ҳис қилмоқда. Шундан 10 млн киши – очарчилик ёқасида. Болалар энг аянчли ҳолатда. Тахминан 1,2 млн нафар вояга етмаган бола бориш қийин бўлган, низо қамраб олган ҳудудларда, жумладан, Ходейд, Таиз, Хажж ва Саадда яшайди.
Покистон ҳукумати Ҳиндистон ҳаракатлари устидан БМТга шикоят қилиш ниятида. Покистон Балакот шаҳри яқинида яқинда Покистон ҳудудига ҳинд ҳарбий ҳаво кучлари томонидан берилган зарбалар туфайли Ҳиндистонни экологик терроризмда айбламоқда.
Бугун, 7 март куни, Қозоғистон президенти Нурсултан Назарбоев аёллар билан анъанавий учрашув ўтказди. Тадбирда «Айка» фильмида бош ролни ўйнаган актриса Самал Еслямова ҳам иштирок этди.
Саудия Арабистони қироли оиласида зиддият кучаймоқда. The Guardian хабар беришича, валиаҳд шаҳзода Муҳаммад бин Салмоннинг ҳаракатлари бунга сабаб бўлди. Кўпчиликнинг қайд этишича, кекса қирол Салмон Абдулазиз Сауд қарор қабул қилишда ортиқча мустақиллик намойиш этаётган ўғлига ҳадиксираб қарамоқда.
Мисрнинг ал-Азҳар Ислом академияси бош имоми диндошларга муҳим бир нарсани эслатиб, бутун дунё мусулмонлари учун долзарб бўлган мавзуда фикр билдирди. Шайх Аҳмад Тайибнинг таъкидлашича, кўплаб ҳолатларда полигамия (кўп хотинлилик) «аёллар ва болалар учун адолатсизлик» бўлиши мумкин, бир нечта хотинли оила қоида эмас, истисно бўлиши лозим. «Никоҳ полигам бўлиши лозим дейдиганлар қаттиқ хато қиладилар», - деди шайх ат-Тайиб, иқтибос келтиради BBC News.
Покистон полицияси сешанба куни мамлакатда тақиқланган ташкилотларнинг ўнлаб вакилларини, жумладан, «Жаиш-е-Муҳаммад» гурухи етакчиси Масуд Азхарнинг акаси бўлган муфтий Абдул Рауфни ҳибсга олди. Қўлга олиш 14 февраль куни Жамма ва Кашмир штатида ҳинд ҳарбийлари колоннасига ҳужум ҳақидаги ишни тергов қилиш доирасида бўлиб ўтди. Ўшанда 45 киши ҳужум қурбони бўлганди.
Amazon асосчиси Джефф Безос Forbes фикрига кўра, қаторасига иккинчи марта сайёрамизнинг энг бадавлат ишбилармонлари рейтингида биринчи ўринни эгаллади. Amazon асосчисининг мулкини Forbes 131 млрд. долларга тенг деб баҳолади. Бир йилда у 19 млрд. долларга бойиди.
Ҳиндистон ва Покистон ўртасида рўй бериши мумкин бўлган уруш иккала томоннинг бир-бирини йўқ қилишига олиб келиши мумкин, шу сабабли улар низонинг авж олишига йўл қўймаслик учун қўлидан келган ҳамма ишни қилишлари лозим. Покистон ташқи ишлар вазири Шоҳ Мехмуд Куреши CNN га берган интервьюда шундай баёнот билан чиқди.
Суд «Азатлык» татар ёшлар ҳаракати фаолларидан бири Батырхан Агзамовни руслар ва татарлар ўртасида низо қўзғаганлиги учун ҳибсга олишга санкция берди, деб ёзади «Коммерсантъ» газетаси. Нашрнинг қайд этишича, Агзамов экстремизмга қарши янги маъмурий модда (20.3.1 КоАП) бўйича жазоланган биринчи шахс бўлди. Илгари бундай ҳаракат ЖЕ 282-моддаси бўйича жазоланарди.