Янгиликлар (5422)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Янги Зеландиянинг Крайстчерч шаҳридаги терактлардан бирида азият чеккан Линвуд масжиди имоми фожиа рўй бергандан кейин илк бор ОАВ билан суҳбатлашди. Имом Аляби Латиф Зируллах фожиадан сўнг масжидга келган Янги Зеландияликларга миннатдорчилик билдирди ва мусулмонлар 15 март, жума куни рўй берган даҳшатли воқеаларни унута олишларига умид билдирди.
Буюк Британияда Бирмингем масжидларида вандализм ҳаракатларида шубҳа бўйича қўлга олинган эркак ғайришуурий ҳаракат қиладиган деб топди ва суд махсус тартибда бўлди. Полиция шаҳардаги 5 та масжидга ҳужум бўйича тергов ишлари бошлангач, 34 яшар эркак Бирмингем полиция маҳкамасига ўзи ташриф буюрди, хабар беради Business Standard.
Ғазо секторидан учирилган ракеталар биринчи марта Тел-Авивга етиб борди. Ўққа тутиш натижасида етти киши яраланди. Бу ҳақида «Ал-Жазира» хабар беради. Шу пайтгача ХАМАС ҳаракати ўққа тутиш учун жавобгарликни ўз зиммасига олгани йўқ, лекин Исроил расмий манбалари унда Фаластин ҳаракатини айбладилар.
Беш йил олдин ИШИД жангарилари томонидан эълон қилинган «халифалик» тўлиқ йўқ қилинди. Бу ҳақида Twitter да Мустафа Бали, АҚШ томонидан қўллаб-қувватланадиган «Сурия демократия кучлари» (SDF) курд гуруҳлари иттифоқи вакили маълум қилди.
Қозоғистоннинг янги президенти Касым-Жомарт Токаев Туркистон шаҳрига ўзининг биринчи расмий ташрифини амалга ошириб, бу ерда машҳур сўфий шоир ва дин тарғиботчиси Хўжа Аҳмад Яссавийнинг мавзолейига, шунингдек, ушбу шайх номи билан аталадиган Университетга қадам ранжида килди. Бу ҳақида Қозоғистон президенти маъмурияти хабар беради.
Америка президенти Доналд Трампнинг кечаги твити аллақачондан бери кутилаётган нарсани тасдиқлади. Трампнинг байнот беришича, АҚШ 1967 йилги урушда босиб олинган ҳудуд, яъни Ғўлон тепаликларини Исроилга тегишли деб тан олиш вақти келганмиш.
Лесбиянка, гей, бисексуаллар, трансгендерлар ва интерсексуаллар Халқаро уюшмаси ILGA-World (The International Lesbian, Gay, Bisexual, Trans and Intersex) 20 мартда эълон қилинган турли давлатлар гомофоб кайфиятлар ва амалиётларни қандай рағбатлантириши ва қўллаб-қувватлаши ҳақидаги йиллик ҳисоботида Ўзбекистондаги вазиятга қизиқ таъриф берди.
Кеча Яманда мотам маросими ўтказилди: Саудия Арабистони тарафдори бўлган коалиция авиа-зарбалари оқибатида ҳалок бўлган ўн етти нафар фуқаро шахс, жумладан, тўққизта бола дафн этилди. Бу зарба 2014 йилнинг охирида Саудия ташқи сиёсати йўналишида ҳаракат қилаётган Яман расмий ҳукумати хусийлар кучлари билан Санадан ҳайдаб чиқарилгандан сўнг бир неча ой ўтгач бошланган тўрт йиллик вайроналар келтирган урушга якун ясаш учун Ғарбнинг уруш олиб бораётган томонларга босим кўрсатиши натижаси бўлди.
Янги Зеландиянинг Крайстчерч шаҳридаги икки масжидда рўй берган терактлардан сўнг Буюк Британия ва Франция ҳукумати масжидлар ва диний аҳамиятга эга бўлган бошқа жойларни қўриқлашни кучайтирди. «Қўшимча патруллаш диний аҳамиятга эга бўлган жойлар яқинида амшилмоқда», - деб ёзади, хусусан, Twitter да Франция ички ишлар вазири Кристоф Кастанер.
Сурия халқининг уруш давридаги азоб-уқубатлари учун Европа Иттифоқи мамлакатлари жавобгардир. Бу ҳақида SANA давлат ахборот агентлиги томонидан эълон қилинган араб республикаси ТИВ баёнотида маълум қилинди. Баёнотда, хусусан, Дамашқ «Брюсселда Сурия – асосий иштирокчи томон ҳукумати вакилларининг иштирокисиз Сурия бўйича халқаро конференция чақирилишидан ҳайратда» эканиги қайд этилган.
Иккита масжидда уюштирилган ҳужум оқибатида 50 киши ўлдирилган ва ўнлаб кишилар ярадор бўлганидан сўнг, жума куни Янги Зеландияда азон вақтида умуммиллий бир дақиқа сукут сақлаш қайд этилди. Намоз ва икки дақиқали мулоҳазалар миллий оммавий ахборот воситаларида тўғридан-тўғри намойиш этилди. Баҳоларга кўра, 20 000 га яқин киши, жумладан, бош вазир Джасинду Ардерн, Крайстчерч шаҳридаги ал-Нур масжидидан бир неча метр нарида тўпланди.
Ҳозирги кунда энг машҳур ва нуфузли олимлардан бири Тақи Усмонга суиқасд қилинди. Бу воқеа жума куни кундази Карачи шаҳрида рўй берди, хабар беради Покистон ОАВ. Муфтий Таки Усмани одатда жума намозини ўқийдиган Байтул Мукаррам масжидига йўл олган пайтда олимнинг автомобилига Шарай Файсал кўчасида мотоцикл минган 4 та жангари ҳужум қилди. Шайхнинг иккита тансоқчиси – улардан бири Синд полицияси ходими, иккинчиси хусусий компания ходими эди – ҳужум пайти отиб ўлдирилди.
Гаага Апелляция суди кеча узоқ давом этган, босниялик мусулмонларнинг оммавий ўлдирилишида айбдор бўлган сербларнинг золим ҳукмдори устидан ишга нуқта қўйилди. Суд Сербия Республикаси президенти Радован Караджични умрбод қамоқ жазосига ҳукм қилди, хабар беради Reuters агентлиги.