Шанба куни Брюссель шимолий вокзалида Европанинг Фаластинни қўллаб-қувватлаш марши бошланди. Унга 20 мингдан ортиқ одам йиғилди, деб хабар берилди. Намойишчилар отишмани зудлик билан тўхтатишни талаб қилмоқда. Шунингдек, улар Исроилни уруш қонунларини бузишда ва тинч аҳолини атайлаб ўлдиришда айбладилар.
Брюссель полицияси намойишчилар ҳаракатланар экан, қўшимча хавфсизлик чораларини қўллаган. Бундан ташқари, АҚШ ва Исроил элчихоналари хавфсизлик чораларини кучайтирди.
Бельгияда миллий байрам - тинчликпарварлик куни нишонланди. Шу боис маршда кўплаб фуқаролик жамияти вакиллари иштирок этди.
Ташкилотчилар Европа Иттифоқи Исроил ва Фаластин ўртасидаги зўравонликни тўхтатишни талаб қилиши керак, деб ҳисоблайди.
“Биз халқаро ҳуқуқни ҳурмат қилиш қанчалик муҳимлигини биргаликда тушунтирмоқчимиз. Шунингдек, Европанинг Фаластиндаги халқаро ҳуқуқнинг бузилиши бўйича ҳаракатсизлигини қоралаймиз”, — деди ташкилотчилар.