Сўнгги вақтларда жаҳон футболидаги энг таниқли юлдузлардан бири — Криштиану Роналдунинг Фаластин халқини очиқ қўллаб-қувватлаши кенг жамоатчилик муҳокамасига сабаб бўлди. Унинг инсонпарварликка асосланган баёнотлари, ижтимоий тармоқлардаги фаоллиги ва Газадаги зўравонликлардан жабр кўрган болалар ҳақидаги очиқ сўзлари кўпчиликнинг ҳурматини қозонди.
Роналдунинг Фаластинга нисбатан ҳиссиётли муносабати аввал ҳам бир неча марта намоён бўлган. У Фаластин байроғини кўтарган, гуманитар ёрдам акцияларида иштирок этган, ҳатто ўз футбол либосини кимошдига чиқариб, тушган маблағларни Фаластин болаларига бағишлаган ҳолатлар ҳам қайд этилган.
Шу билан бирга, айрим манбаларда Роналдунинг ушбу позициясига қарши туриш мақсадида медиа майдонда унга нисбатан қарши PR кампаниялар ташкил этилгани ҳақида хабарлар пайдо бўлмоқда. Уларга кўра, футболдаги иккинчи етакчи юлдуз — Лионель Мессининг номини ушбу мақсадда фаол ишлатиш орқали Роналдунинг таъсирини пасайтириш уринишлари кузатилмоқда.
Кўплаб мухлислар ва кузатувчилар Месси ва Роналду ўртасидаги футболдаги рақобат энди геосиёсий майдонга кўчганини таъкидлашмоқда. Айрим таҳлилчиларнинг фикрича, Роналду Фаластинни очиқ қўллаб-қувватлаётган бир пайтда, Мессининг нейтрал позицияси ва айрим ҳолатларда Исроил тарафдорлиги сифатида талқин этиладиган хатти-ҳаракатлари, уни Роналдуга қарши "медиа қўл" сифатида кўрсатишга олиб келмоқда.
Исроил ҳукумиати ҳам Мессини бир неча бор, ектиб олиши қўўлаб-қувватлаши ҳам бекорга эмас.
Шу ўринда таъкидлаш жоизки, Лео Мессининг ўзи бу масалалар юзасидан очиқ сиёсий баёнотлар бермаган. Аммо у иштирок этган баъзи тижоратий лойиҳалар, жароҳатдан сўнгги даволаниш жойлари ва расмий ташрифлари баъзи манбалар томонидан Исроилга яқин деб баҳоланмоқда. Бу эса ижтимоий тармоқларда унинг Фаластин масаласидаги сукутини танқид қилишга сабаб бўлмоқда.
Мухлислар ўртасида эса ажралиш кучаймоқда. Бир томонда Роналдуни ҳақ ва адолат учун овоз кўтарайотган деб қўллаб-қувватловчилар бўлса, иккинчи томонда Мессининг сиёсатига аралашмаслик позициясини ҳурмат қилувчилар бор.
Абу Муслим
