Душанба куни Исроил мудофаа вазири Йоав Галлант ҳукумат дунёнинг аҳоли энг зич жойлашган ҳудудларидан бирида, 2,3 млн киши истиқомат қилувчи ХАМАС назоратидаги Ғазо секторини "умумий блокада" доирасида электр энергиясини узиб, озиқ-овқат ва ёқилғи киришига тўсқинлик қилишини айтди.
Исроил томонидан босиб олинган Ғазо секторининг ҳозирги кўринишида блокадаси 2007 йилнинг июн ойидан бери амалда. Исроил Ғазо секторининг ҳаво ҳудуди ва ҳудудий сувларини, шунингдек, учта чегара ўтиш жойидан иккитасини назорат қилади; учинчи нуқта Миср томонидан назорат қилинади.
"Биз Ғазони тўлиқ блокадага олдик... Электр йўқ, озиқ-овқат ҳам, сув ҳам, газ ҳам йўқ - ҳаммаси ёпиқ", - деди Галлант видеомурожаатида.
Исроилнинг олий ҳарбий вакили Даниэл Хагари душанба куни журналистларга Исроил ўзининг барча ҳудудлари устидан назоратни тиклаганини айтди.
Хагарининг айтишича, душанба куни эрталаб бир нечта алоҳида ҳодисалар бўлган, аммо "ҳозирги босқичда жамоаларда ҳеч қандай жанг йўқ".