Ўзбекистон-Эрон ўртасида соддалаштирилган виза режими жорий этилди.
Бугундан Ўзбекистон ва Эрон Ислом Республикаси Ҳукуматлари ўртасидаги ишбилармон ва илмий доиралар вакиллари ҳамда сайёҳлик гуруҳлар учун виза жараёнларини соддалаштириш тўғрисидаги Битим кучга кирди.
Мазкур Битим Эрон президентининг 14-16 сентябрь кунлари Ўзбекистонга расмий ташрифи доирасида имзоланган.
Мазкур ҳужжат 11 моддадан иборат бўлиб, унинг кучга кириши икки мамлакат ўртасидаги дўстона муносабатларни янада мустаҳкамлаш, савдо-иқтисодий, туризм, фан ва илмий фаолият соҳаларидаги алоқаларни ривожлантиришга хизмат қилади.