Россия ва АҚШнинг Эрон оятуллоҳларидан Исроилни ҳимоя қилиш бўйича бирдамлик фонида, Нетаньяху Наврўз байрами билан Эрон халқини табриклади.

Исроил бош вазири Биньямин Нетаньяху видео мурожаат қилиб, унда Эрон халқини Наврўз байрами билан табриклагани ҳақида РИА Новости хабар берди.

«Мен Эрон халқини ва барча форсларни Наврўз байрами билан табрикламоқчиман. Сизларга соғлиқ-саломатлик, бахт-саодат, ривожланиш ва, энг асосийси, озодлик тилайман. Бу йил риал ўз ҳақиқий қийматини тиклаган, сизга чин дилдан яхшиликни тилайдиганлар, жумладан, менинг мамлакати — Исроил билан дўстлик йил бўлсин. Зулмдан озод бўлган, муҳтожликдан озод бўлган, яшаш эркинлиги ва танлаш эркинлигига эришилган йил бўлсин», — деди Исроил бош вазири ўз мурожаатида.

Наврўз тарихи милоддан аввалги I мингйилликка бориб тақалади. Бу вақтда қадимий Эрон ҳудудида зардуштийлик дини мавжуд бўлган. Наврўз (форс тилидан — «янги кун») — Марказий Осиё, Яқин Шарқ ва Кавказ халқлари томонидан нишонланадиган қадимий байрамлардан биридир. У баҳорнинг келиши, табиатнинг янгиланиши ва янги қуёш йилининг бошланишини англатади.

Наврўз анъаналарига байрамона таомлар тайёрлаш, халқ сайиллари, спорт мусобақалари, театрлаштирилган намойишлар ва хайрия тадбирларини ўтказиш киради. Ўн йил муқаддам ЮНЕСКО бу байрамни Инсониятнинг номоддий маданий мероси рўйхатига киритган. Шу вақтдан бошлаб у «Наврўз халқаро куни» деб номланади.