Кремлнинг Украина билан музокараларга тайёр эмаслиги ҳақидаги баёнотларидан сўнг эрталаб бошланган Россия фонд бозоридаги пасайиш кун ўрталарида инқирозга айланиб кетди – бу март ойи охирида биржада савдолар қайта бошланганидан бери рекорд даражага етди, хабар беради finanz.
Москва биржаси индекси 10,4% га тушиб, бир неча соат ичида бир триллион рубл капиталлашувни йўқотди.
Дума шошилинч тартибда Жиноят кодексига ҳарбий ҳолат, уруш вақти ва сафарбарлик тўғрисидаги ўзгартиришларни қабул қилганидан сўнг, Россия акцияларининг деярли бир ойлик ўсиши йўқ қилинди.
Бундан буён россияликлар жанг қилишдан бош тортгани ва ҳарбий хизматни тарк этганликлари учун 10 йилгача қамоқ жазоси билан жазоланади. Ҳарбий тайёргарликда қатнашмаслик учун ҳам худди шундай муддат назарда тутилган ва жавобгарлик нафақат шартнома бўйича ҳарбий хизматчиларга, балки захирадаги фуқароларга ҳам тегишли бўлади.
Ниҳоят, таслим бўлганлик учун "Сталин моддаси" Жиноят кодексига қайтарилади.
Шу билан бирга, Украинанинг босиб олинган ҳудудлари ҳукумати бир вақтнинг ўзида Россия Федерациясига қўшилиш бўйича референдумлар ўтказилишини эълон қилди. Улар 23-27 сентабр кунлари "электрон овоз бериш" усулида ўтказилади.