Европа давлатлари Россиядан газни қўшимча харид қилмасдан ҳам қишга тайёр эканликларини эълон қилишди. Россия энергия ресурсларисиз европаликлар музлайди, деган ғояси барбод бўлди.
Германия энергия тармоқлари агентлигининг маълум қилишича, 24 август ҳолатига кўра Германиянинг газ омборлари 80 фоиздан сал кўпроқ табиий газ билан тўлган. Ва бу Россия телевидениесида хорижликларни жуда қўрқитган қишдан ҳеч қандай муаммосиз омон қолиш учун етарли.
Ҳатто ҳукумат тарафдори бўган ТАСС ҳам "Европа ер ости омборларида газ захиралари даражаси аввалги иситиш мавсумидаги максимал даражадан ошиб кетган" деб ёзган. Португалия ва Польшанинг омборлари деярли 100%, Дания - 93,44%, Франция - 89,51%, Бельгия - 84,2%, Чехия - 81,49%, Италия - 79,72%, Голландия - 72,7% тўлдириб олган.
Эслатиб ўтамиз, жорий қишгача Европа Иттифоқи давлатлари ўз газ омборларини 80 фоизга тўлдиришни режалаштирган эди. Бироқ, мавжуд захиралар келгуси қиш учун аллақачон етарли бўлади. Энди Европа ҳукуматлари газ миқдорини идеал етказмоқчи: 1 ноябрга қадар омборларни 95 фоизга тўлдирмоқчи.
Россия Буюк Британиянинг энергия бозорларида ҳам мағлуб бўлди. Жорий йилнинг июнь ойида ва статистика юритиш бошланганидан бери биринчи марта Буюк Британия мамлакатимиздан энергия импортини деярли бутунлай тўхтатди.
Россия сиёсий элитаси давлатнинг газ захираларига Ғарбга қарши стратегик қурол сифатида катта пул тикди. Владимир Путин Европани Украинага қурол етказиб беришни тўхтатишга мажбурлаш учун газ шантажидан фойдаланишга умид қилганди, аммо бу натижа бермади.
Маълум бўлишича, Россия Европада ҳукмронлик қилиш ўрнига, хўрликнинг фақат янги қисмини олди. Европа Иттифоқи Россия газ қувуридан халос бўлишга ва ишончсиз етказиб берувчи сифатида мамлакатимиз билан савдо алоқаларини бузишга интилмоқда. Шундай қилиб, Россия энергия сотишнинг асосий бозорларидан бирини абадий йўқотади.
Бир ҳафта олдин мен шундай деб ёзгандим: "Россия юу иш бермаслиги мумкинлигини ҳисобга олмаган ҳолда ҳамма нарсани газ шантажига тикди. Ва афтидан, мамлакат раҳбариятининг "Қишдан кейин нима қилиш" ҳақида режаси йўқ. Шунинг учун Россиянинг "сиёсий элитаси" баҳор келишини унутмаслиги керак. Ўшандан бери менинг фикрларим фақат тасдиқланди.