Қозоғистонда автотранспорт воситасини маст ҳолда бошқарган Қўстанай вилояти Бош имоми Бахитбек Тажимбет 15 суткага қамалди. Бу ҳақда мамлакат Мусулмонлар диний идораси хабар берди.
Тожикистон Уламолар кенгаши раиси Саидмукаррам Абдуқодирзода “хорижий кийим”ни тақиқловчи қонун лойиҳасини қўллаб-қувватлади ва миллий либослар ҳам Ислом нормаларига мос келиши кераклигини айтди. У “Тожикистон” телеканалида “миллий маданиятга ёт кийимлар”ни олиб кириш, сотиш ва кийишни тақиқлаш ҳақидаги муҳокамалардан сўнг бу муаммонинг исломий меъёрларини тушунтириб берди.
Халқда “Машшоғи кўп юртнинг қашшоғи кўп бўлади” деган эски гап бор. Бу гап эскидир, аммо дунё аллақачон самони эгаллаётган, ракеталар тинимсиз парвоз қилаётган, учувчисиз учоқлар ҳайратда қолдираётган, инновацион технологиялар миллиардлаб пулларимиз эвазига ташқаридан кириб келаётган бир вақтда Ўзбекистонда яна миллионлаб пуллар ўйин-кулги, базм-жамшид, тўй-ҳашамга сарфланяпти. Бундай тадбирлар бошида эса яна Маданият вазирлиги турибди.
Ўзбекистон мусулмонлари идораси 2024 йил Рамазон ҳайити (Ийдул фитр) 10 апрель (шаввол ойининг 1 куни) чоршанба кунига тўғри келаётгани муносабати билан ҳайит намози вақтларини белгилаб чиқди.
Афғонистондаги муваққат ҳукумат – “Толибон”нинг олий етакчиси Ҳайбатуллоҳ Охундзода мамлакат аёлларни оммавий қамчилаш ва хиёнат учун тошбўрон қилиш усулларига қайтишини маълум қилди. Бу ҳақда “The Guardian” ёзди.
21 январь куни Владимир Ильич Ленин вафот этганига 100 йил тўлиши муносабати билан “Учрашув жойи” ток-шоусида рус шовинист тарихчиси Михаил Смолин "инқилобдан олдин озарбайжон, ўзбек ва қозоқлар ҳеч қачон бўлмаган", деган даъво билан чиқди.
Америка Қўшма Штатлари Жанубий Африканинг Исроилни геноцидда айблаб, Халқаро судга киритган даъво аризаси жаҳон ҳамжамиятининг эътиборини Фаластин-Исроил можаросини ҳал қилишдан чалғитмоқда, деб ҳисоблайди. Бу ҳақда АҚШ Давлат котиби Энтони Блинкен кеча, 9 январь куни Тель-Авивдаги матбуот анжуманида маълум қилди.
Исроил мудофаа кучларининг яна икки аскари Ғазо секторидаги қуруқликдаги амалиётда ҳалок бўлди. Бу ҳақда Исроил ОАВларига таяниб, "Trend.az" хабар берди.
АҚШ Давлат департаменти Конгрессдан Исроилга 45 минг танк ўқ-дориларини сотишга рухсат беришни сўрамоқда. Бу ҳақда масала юзасидан бевосита маълумотга эга манбага таяниб, CNN хабар берди.
Исроил ҳаво ҳужуми оқибатида Ғазодаги Умар масжиди вайрон бўлди. Бу ҳақда “Reuters” хабар берди.
8 декабрь куни Америка Қўшма Штатлари БМТ Хавфсизлик кенгашида Ғазо секторида зудлик билан ўт очишни тўхтатишга чақирувчи резолюцияга вето қўйди. Қўшма Штатлар Бирлашган Араб Амирликлари делегацияси томонидан овозга қўйилган резолюцияга қарши овоз берган Хавфсизлик Кенгашининг ягона аъзоси бўлди. Бу ҳақда “Америка овози” хабар берди.
Euro-Med Human Rights Monitor инсон ҳуқуқлари ташкилоти Исроил ҳарбийларининг Ғазода ҳалок бўлган фаластинликларнинг органларини ўғирлаётганига нисбатан ўз хавотирини билдирди. Бу ҳақда Euronews телеканали хабар берди.