Никоҳ динимизда тарғиб қилинган амаллардан бўлиб, Пайғамбаримизнинг (соллаллоҳу алайҳи ва саллам) суннатларидандир. Бу ҳақда Имом Бухорий ва Муслим Анас ибн Моликдан (розияллоҳу анҳу) бундай ривоят қилади: «Уч киши Пайғамбаримизнинг (соллаллоҳу алайҳи ва саллам) уйларига келиб, аёлларидан у зотнинг ибодатлари ҳақида сўради-лар. Бу ҳақда маълумот олганларидан сўнг: «Набий-нинг (алайҳиссалом) кўп ибодат қилишга эҳтиёжлари йўқ. Чунки у зотнинг олдин ўтган ва бўлғуси хатоларини Аллоҳ таоло кечирган. Биз пайғамбар даражасига етолмаймиз», дейишди ва улардан бири: «Мен кечаларни бундан буён намоз ўқиб ўтказаман», деди. Иккинчиси: «Умрим бўйи рўза тутаман», деди. Учинчиси: «Мен аёллардан юз ўгираман, уйланмай ўтаман», деди. Шу аснода Пайғамбаримиз (алайҳис-салом) келиб қолдилар ва бундай дедилар: «Шу гапларни сизлар айтдингизларми? Билиб қўйинглар, Аллоҳ таолога қасам, мен сизларнинг Аллохдан энг кўп қўрқувчингиз ва тақводорингиздирман. Лекин мен намоз ҳам ўқийман, кечалари ухлайман ҳа Рўза ҳам тутаман, оғиз очиқ ҳам бўламан. Аёлларга уйланаман. Ким менинг суннатимдан юз ўгирса, у мендан эмас».

Абдуллоҳ ибн Масъуддан (розияллоҳу анҳу) ривоят қилинади: «Расулуллоҳ (соллаллоҳу алайҳи ва саллам): "Осонлаштиринг, қийинлаштирманг! Хушхабар айтинг, қизиқтиринг, нафратлантирманг (бездирманг)!"деганлар» (Имом Бухорий).

Инсон табиатида яхши сифатлар билан ёмон сифатлар ёнма-ён. Ақлли инсонлар яхши сифатларини асраб, камолга етказади, ёмон сифатларнинг зарарини билиб, улардан халос ва саломат бўлади.

Имом Муслим ва Имом Аҳмад Амр ибн Осдан (розияллоҳу анҳу) ривоят қилади: «Расулуллоҳ (соллаллоҳу алайҳи ва саллам) марҳамат қилдилар: «Дунё ҳузурбахш нарсадир. Ундаги энг яхши ҳузурбахш солиҳа аёлдир».

Ўсмир йигит ва қиз, уларда балоғат ва етуклик ғунчалари очилаётган пайтда хаёлан, бир кун келиб, ўзига жуфт бўлажак умр йўлдошининг сифатларини белгилай бошлайди.

Эр-хотин ўртасидаги ўзаро ҳуқуқ ва масъули-ятларни ёритишдан олдин, ижтимоий ошкор ҳақиқатни, воқеликни англовчи ҳар бир оқил этиш лозим. Бу Аллоҳ таоло эркакларни кўтарган даражадир. Бақара сурасининг 228-ояти мазмуни бундай: «Аёллар учун (белгиланган ҳуқуқлар) ўз меъёрида эркаклар (ҳуқуқи) билан тенгдир. Аёлларга нисбатан эркакларда бир даража (зиёдалик) бор...»