Қуёш ботиши билан, тезда ифтор қилиб олиш лозим. Уни узрсиз ортга суриш дуруст эмас.
Саҳл ибн Саъд розияллоҳу анҳудан ривоят кили нади:
“Расулуллоҳ соллаллоҳу алайҳи васаллам: “Модомики, одамлар ифторга шошилар эканлар, яхшиликда бардавом бўлаверадилар”, дедилар”. (Имом Бухорий ва Муслим ривояти)
Ҳадисда, инсонларнинг тўғри йўлдан тойилиб кетишларига сабаблардан бири ифторликни узрсиз кечиктириш экани таъкидланмоқда.
Абу Хурайра розияллоҳу анҳудан ривоят қилинади:
“Расулуллоҳ соллаллоҳу алайҳи васаллам: “Ифторликни тезда қиладиган бандалар Аллоҳ таолога жуда суюклидир”, дедилар. (Имом Термизий ва Аҳмад ривояти)

Муҳаммад Тақий Усмонийнинг
"Енгил амаллар"китобидан