"Манчестер Сити" жамоаси тўртинчи марта мусулмон мухлислари учун ифтор уюштирди. Клуб вакиллари мусулмон жамоатларига мўлжалланган инклюзив муҳит яратиш ҳақида маълумот берди.
"Манчестер Сити" клуби Рамазон ойида "Этиҳод" стадионига мусулмон жамоат вакилларини таклиф қилди.
Манчестер жамоаси мусулмон жамоат вакилларини ўз стадионига таклиф қилиб, уларга ифтор қилиш имкониятини яратди. Бу, Рамазон ойида кечки намоздан олдин ёки кейин амалга ошириладиган кечки овқатланиш маъносидаги ифтор ҳодисасидир.
Бу клуб томонидан ташкил этилган тўртинчи йиллик ифтор бўлиб, бу сафар тадбирда 120 дан ортиқ меҳмон иштирок этди.
Кеча Қуръон тиловати билан бошланиб, сўнг клуб ва City in the Community ташкилоти вакиллари саҳнага чиқиб, мусулмон жамоатлари учун янада инклюзив муҳит яратиш бўйича олиб борилаётган ишлар ҳақида маълумот берди.
Манчестер университети капеллани, шунингдек, Blue Crescent номли расмий мусулмон мухлислар клубининг ҳаммуассиси Муҳаммад Уллаҳ ушбу тадбир ҳақида ўз фикрини билдирди.
"Бизнинг тўртинчи ифторимиз имон, футбол ва жамоатни бирлаштирган ажойиб ҳодиса бўлди. Blue Crescent клубининг ҳаммуассиси сифатида, клуб билан шериклик ўрнатиш бошқаларни ушбу йўлдан боришга илҳомлантирадиган кучли намуна эканлиги билан фахрланаман.
Клубга ўз ишига бўлган садоқати, мухлисларга доимий қўллаб-қувватлаши ва бизнинг қадриятларимизга аҳамият бергани учун чин қалбимдан миннатдорман.
Уларнинг инклюзивликка интилиши бизда мансублик ҳиссини уйғотади ва барча мухлисларни хуш келган меҳмон сифатида ҳис қилишини таъминлайди. Бу муҳим ҳаракатни биз чиндан қадрлаймиз", – деди Уллаҳ.