"Чет ел валютасидаги ҳисобварақлар ёки омонатлар бўйича барча мижозлар маблағлари сақланиб қолади ва депозит валютасида ҳисобга олинади, мижоз 10 минг долларгача нақд пул олиши мумкин, қолган маблағлар эса чиқарилган кунидаги бозор курси бўйича рублда берилади... Ушбу вақтинчалик тартибнинг амал қилиш муддати давомида валюта ҳисоб валютасидан қатъи назар, АҚШ долларида берилади. Бошқа валюталарнинг АҚШ долларига конвертацияси чиқарилган кундаги бозор курси бўйича амалга оширилади", - деди Марказий банк.
Янги валюта ҳисобварақлари ва депозитларидан маблағларни фақат чиқарилган кундаги бозор курси бўйича рублда олиш мумкин бўлади.
"Банклар вақтинчалик тартиб муддати давомида фуқароларга нақд валютани сотмайди", дея қўшимча қилди Россия Банки.
Украиналик инвестбанкир, FinPoint Investment Advisers бошқарувчи ҳамкори Сергей Будкин Facebook саҳифасида қайд этишича, Россия Марказий Банки томонидан жорий қилинган чоралар «дракон» чораларидир.
"Ушбу қарор 9 март куни ярим тунда, Россияда узоқ дам олиш кунларидан кейинги биринчи куни эълон қилинди. Тўрт кунлик дам олиш кунлари давомида Марказий Банк Россиянинг барча банкларидан ўзларининг кассаларида қанча нақд пул борлиги ва биринчи иш куни чоршанба куни банклардан пул олиш тўғрисида қанча сўров юборганлиги тўғрисида маълумот олди. Эълон қилинган чора-тадбирларнинг қатъийлигига қараганда, вазият шу қадар умидсизки, Россия Марказий банки фақат нақд валюта муомаласини тўлиқ тақиқлаш ва мажбурий конвертация қилиш ва ҳеч бўлмаганда Россияда уюшган нақд валюта бозори мавжудлигининг «анжир барги»ни қолдирадиган бундай шафқатсиз чоралар ўртасида танловга эга эди", - дея изоҳ берди у.
Руслар қатъий чекловлардан шокка тушди.
"Ҳақиқий п*здец. Бу умуман валюта йўқлигини англатади. Агар Марказий банкни музлатиш бўйича санкциялар бекор қилинмаса - ҳамма нарса тугади", деди россиялик журналист ва телебошловчи Ксения Собчак.
Россия Украинага кенг кўламли ҳужум туфайли халқаро изоляцияга дуч келмоқда. Ақш ва Европа Иттифоқи аллақачон Россияга қарши санкцияларнинг бир нечта пакетларини эълон қилишди. Россиянинг еттита банки, шу жумладан ВТБ, SWIFTдан узилмоқда. "Бу бутун дунёда ушбу банкларнинг фаолиятини тўхтатади ва Россия экспорти ва импортини самарали равишда блоклаб қўяди", деди Европа комиссияси раҳбари Урсула фон дер Ляйен. Ғарб давлатлари Россиянинг халқаро захираларига киришни тақиқлаш учун Россия Марказий банкига қарши санкциялар киритди. Европа комиссияси, шунингдек, Россия Федерациясида рўйхатдан ўтган ва Россия томонидан назорат қилинадиган барча самолётларга қўниш, учиш ёки Европа Иттифоқи орқали учишни тақиқлади.