1 – Улуғбек кратери
Ойнинг ердан туриб кўринадиган томонида лимбнинг шимолий-ғарбий чеккаси яқинида жойлашган кратерга Улуғбек номи берилган. Унинг диаметри 48 км. Улугбек (1394-1449) –Ўрта Осиёнинг атоқли давлат арбоби, шунингдек, машҳур математик, астроном ва шоир.

2 – Али Қушчи кратери
Али Қушчи кратери Ойдаги Тавр тоғлари яқинида жойлашган бўлиб, диаметри 60 км. Али Қушчи (1403-1474) – Ўрта Осиёлик математик ва астроном.

3 – Беруний кратери
Бу қадимий кратер ойнинг нариги томонида, Mare Marginis денгизидан шимолда жойлашган. Хоразмлик буюк олим Абу Райхон Беруний (973-1048) номи билан аталади.

4 – Авиценна (Ибн Сино) кратери
Бу ойнинг нариги томонидаги кратер, 1970-йилда буюк олим шарафига номланган.

5 – Ат-Тусий кратери
Диаметри 52 км бўлган бу кратер Ойнинг жанубий қисмида жойлашган. Машҳур астроном ва математик, Марагин обсерваторияси асосчиси Насриддин Тусий (1201-1274) шарафига номланган.

6 – Ал-Маъмун кратери
У Ойнинг кўринадиган томони экваториал минтақасида жойлашган. Илм ва санъат ҳомийси сифатида машҳур бўлган Хорун ар-Рашиднинг ўғли - Халифа ал-Маъмун (786-833) номи билан аталади. У, жумладан, Бағдодда астрономик расадхона ташкил этган.

7 – Ал-Фарғоний кратери
Бу Сокинлик денгизидан жануби-шарқда жойлашган кичик кратер. Ўрта Осиёлик кўзга кўринган астроном ва математик ал-Фарғоний (798-861) номи билан аталади.

8 –Ал-Баттаний кратери
Ойнинг кўринадиган томонидаги қадимий катта кратер бўлиб, Европада Albategnius номи билан машҳур араб астрономи ва математиги ал-Баттаний (858-929) номи билан аталган,.

9 – Собит кратери
Ойнинг кўринадиган томонидаги бу кратерга машҳур араб астрономи, математиги, механиги ва шифокори Собит Ибн Курра (836-901) номи берилган.

10 –Ас-Суфи кратери
У ойнинг кўринадиган томони жанубий материк қисмида жойлашган бўлиб, машҳур форс астрономи ва математиги ас-Суфи (903-986) номи билан аталади.

11 –Ибн ал-Хайсам кратери
Инқирозлар денгизининг Шарқий соҳилидаги кратер, араб математиги, механиги, физиги ва астрономи Абу Али ал-Хасан Ибн ал-Ҳайсам (987-1038) номи билан аталган.

12 –Жабар кратери
Ойнинг кўринадиган томонидаги бу кратерга араб математиги ва астрономи Жабар Ибн Афлаҳ (12-асрнинг биринчи ярми) номи берилган.

13 –Алпетрагиус кратери
Бу Маре Нубиум Шарқий четига жойлашган Ой кратери ҳисобланади. Алпетрагиус – испан-араб астрономи Нуриддин ал-Битружийнинг (1185 йил вафот этган) латинлаштирилган исми.

14 –Абу-ал-Фид кратери
Араб тарихчиси ва географи Абу ал-Фид (1273-1331) номи билан аталган, Ойнинг кўринадиган томонидаги Марказий материкда жойлашган кратер.

15 – Нафақат Ойда, балки Меркурийда ҳам буюк мусулмонлар номлари билан аталган кратерлар бор - булар атоқли Усмоний меъмори Мимар Синан (1489-1588), шоир ва авлиё Жалолиддин Румий (1207-1273), давлат арбоби ва шоир Низомий Ганжавий (1141-1209) номи билан аталган кратерлардир.