"Инқироз пайтида миш-мишлар ва ёлғон хабарлар жуда тез тарқалади, - деб ёзади немис нашри Süddeutsche Zeitung. - (...) Охирги кунларда бир-бири билан боғлиқ бўлган 3 та ҳодиса рўй берди: Германияда ўзини «Польди онаси» деб атаган аёл бемаъни гаплар гапиряпти. АҚШда ўзини Қўшма Штатлар президенти деб атаган эркак бемаъни гаплар гапиряпти. Бунда бутун дунёда ўн минглаб одам коронавирусга чалиняпти".
Жаҳон соғлиқни сақлаш ташкилоти (ЖССТ) бош директори Тедрос Гебреисус спиртли ичимликлар ва тамаки маҳсулотларидан воз кечиш коронавирусга қарши туришда ёрдам бериши ҳақида баёнот берди, хабар қилади РБК. Исломда тақиқланган (ҳаром) бу одатлар ўрнига у мунтазам бадантарбия килишни – дарвоқе, намоздаги беш карра ҳаракатларни ҳам енгил бадартарбияга киритиш мумкин – имкон қадар кўпроқ вақтни тоза ҳавода ўтказишни маслаҳат берди.
Мутлақ жанг чемпионати бўйича (UFC) россиялик чемпион Хабиб Нурмагомедовнинг дунёдаги коронавирус пандемияси шароитларида ўзининг Instagram да фотосуратига миллиондан ортиқ одам лайк босди. Шанба куни чоп этилган селфида спортчи қора рангли тиббий ниқобда муҳрланган.
Эроннинг олий этакчиси Али Хаменеий АҚШнинг Эрон Ислом Республикасида коронавирус тарқалишига қарши курашда ёрдам бериш таклифини қатъиян рад этди ва Вашингтонни ҳалокатли вирусни яратишда айблаганини эслади. Хаменеийга кўра, Оқ уй маъмуриятининг Теҳронга ёрдам беришга тайёрлиги ҳақидаги баёноти ғалати бўлиб кўринади, чунки АҚШ матбуотда айтилишича, уларнинг ўзи дори-дармонлар етишмовчилигини бошдан кечирмоқда.
Италияда охирги сутка ичида коронавирус инфекциясидан ўлим кўрсаткичлари сони рекорд натижани қайд этди, яъни 793 киши вафот этди. Умумий кўрсаткич 4 825 кишини ташкил қилди. Жаҳон соғлиқни сақлаш ташкилотиниг маълумотларига кўра, дунё бўйича охирги суткада коронавирус юқтириб олганла сони 32 минг кишига ўсди ва 266 кишига етди. 11 мингдан ортиқ киши вафот этди. Джонс Хопкинс университети хабар қилишича, коронавирусга чалинганлар сони дунё бўйича 300 минг кишидан ошиб кетган.
"Владимир Путиннинг шаклланаётган полициячи давлати учун коронавирус – кутилмаган бош репетиция. Россия президенти ҳокимиятни жипслаштирган шароитларда полиция ва хавфсизлик хизматлари ўз имкониятларини одамлар юзини таниб олишдан тортиб оломонни назорат қилиш усулларигача бўлган даражада такомиллаштиришга йиллар сарфлади. Энди эса вируснинг тарқалиши бу имкониятларни ва Путин учун унинг кескин чораларини қўллаб-қувватлаш имкониятини кутилмаганда текширишни таъминлайди", - деб ёзади The New York Times.
Eвропада пандемия авж олган бир пайтда, у бошлаган Хитойда коронавирус инфекциясининг ягона ҳолатлари қайд этилмоқда.
Олимларнинг кўплаб тадқиқотлари ва статистик маълумотларга асосланиб, мутахассислар дстлабки хулосалар чиқаришлари мумкин. Биринчидан, дунёнинг барча мамлакатларида яшовчиларни кўпроқ ташвишга соладиган нарса бу ўлим даражаси:
Эроннинг Хузистон вилоятида 62 киши коронавирусни метил спирти билан «профилактика» қилишдан кейин вафот этди. Mehr агентлиги тиббиёт ходимларига таянган ҳолда айтишича, охирги сутка давомида уч киши вафот этган ва 13 киши касалхонага мурожаат қилган.
БМТ Бош котиби дунё мамлакатларини коронавирусга қарши курашд бирлашишга чақирди. БМТ Бош котиби Антониу Гутерреш коронавируснинг миллионлаб одамларни ўлдириши мумкин бўлган камбағал мамлакатларда тарқалишига йўл қўмасликка чақирди.
Биз бугунги кунда гувоҳ бўлаётган мисли кўрилмаган ва қулоқ ҳам эшитмаган воқеа-ҳодисалар, агар диққат билан қарайдиган бўлсак, тиббий ва биологик табиатдан кўра, кўпроқ ижтимоий ва сиёсий табиатга эга. Нималар рўй беряпти? Агар дунё миқёсида коронавирусдан вафот этган беморларнинг (тасдиқланган беморларнинг) сонига қарасак, унчалик катта эмас, агар аҳамиятсиз демасак. Бироқ, ҳукуматлар деярли ҳеч қандай йўқотишларга эътибор бермай, ўз соҳаларидаги иқтисодий ва ижтимоий ҳаётни бирма-бир тўхтатмоқдалар. Одатда уларга хос бўлмаган нарса.
Туркияда қўлбола алкогол билан заҳарланиш натижасида камида 15 киши вафот этган ва 60 киши реанимацияга тушган. Hurriyet газетасининг ёзишича, одамлар ташқи истеъмол учун мўлжалланган сунъий равишда тайёрланган алкогол ёрдамида одамларни ўзларини коронавирусдан ҳимоя қилишни режалаштирган. Натижада, уларнинг барчаси бу маҳсулотни ичган.
Саудия Арабистони қироли Салмон бен Абдулазиз Сауд, давлат телевидениеси эфири орқали чиқиб, коронавирус пандемияси туфайли яқин келажак бутун дунё учун мураккаб бўлишини айтди. "Сиз менинг самимийлигимга кўникиб қолгансиз, шунинг учун сизга айтишим керакки, бутун дунё билан бирга биз ҳам оғир кунларни бошдан кечирмоқдамиз. Сизга шуни ҳам айтаманки, кейинги давр дунё миқёсида бу офатнинг тез тарқалишига қарши туриш қийинроқ бўлади”, - дея таъкидлади монарх.