Мирзиёевнинг сўзларига кўра, тошқиндан зарар кўрган 4,5 мингта уй эгаларининг ҳар бирига 40 миллион сўм (4 минг АҚШ доллари атрофида) моддий ёрдам ва телевизорлар, музлатгичлар, кир ювиш машиналари, мини-печлар, электр чойнаклар, дазмоллар кўринишидаги маиший техника буюмлари берилган.
Алишер Усмонов томонидан 10 миллион доллар миқдорида хайрия қилинган маблағлар ҳам ушбу мақсадларга йўналтирилди. Сирдарё вилоятига ҳокимликлар, вазирликлар ва идоралар, хўжалик бирлашмалари ва тадбиркорлар ҳам ҳомийлик қилмоқда.
Хабар қилинишича, йиғилишда қатнашган сардобаликларга тегишли совға сертификатлари ва банк карталари топширилди.
