Франциянинг собиқ президенти Николя Саркози коррупцияда ва таъсир кўрсатиш имконияти билан савдо қилишда айбланиб, уч йил қамоқ жазсоига ҳукм қилинди. Шу муддатдан бир йилини Саркози қамоқда ўтказиши керак, яна икки йил эса шартли муддат берилган.

Қозоғистон президенти Қасим-Жомарт Тоқаев имзолаган қонунга кўра, амалдорларнинг қўл остидаги ходимлар порахўрлиги учун шахсан жавобгарлиги белгилаб қўйилди. Бу ҳақида давлат раҳбарининг сайтида хабар қилинди. Янги қонунга биноан, давлат органларининг раҳбарлари суд қарори кучга кирган ёки жиноят иши тикланмаган сабабларга кўра тўхтатилган кундан бошлаб 10 кун ичида истеъфога чиқиши керак. Бу ҳақида Tengrinews.kz ёзган.

Ўзбекистонда Президент маъмурияти умумий бўлими собиқ бошлиғи қўлга олинди. Асатулла Дўстов жиноий уюшма ташкил этишда айбланяпти. Дўстовга қарши жиноят кодексининг қуйидаги моддалари бўйича айбловлар қўйилган: 165 (тамагирлик), 168 (фирибгарлик), 209 (мансаб сохтакорлиги), 28, 211 (пора беришда иштирок этиш), 242 (жиноий уюшма ташкил этиш) ва 243 (жиноий фаолиятдан олинган даромадларни легаллаштириш). Собиқ амалдор ўзининг хизмат ваколатларидан фойдаланиб, раҳбарлик лавозимларини сотиш билан шуғулланган.

Исроилда порахўрлик ва ишончни суиистеъмол қилиш тўғрисидаги ишни тергов қилиш доирасида мамлакат Бош вазири Биньямин Нетаньяху сўроқ қилинди.